Әһли Бејт -АБНА- хәбәр аҝентлијинин вердији хәбәрә әсасән: Өлкә парламентинин Британија илә бағлы чыхардығы гәрары да дәстәкләјиб: “Инҝилисләр јүз илдән чохдур Ислам өлкәсинә хәјанәт едирләр. Әҝәр хәјанәтләрини сајсаг, шеир диванындан чох олар. Гаҹарлар дөврүндән алимләр, руһаниләр бунларын гаршысыны алыб, јенә дә алаҹаглар. “Ҝүлүстан” вә “Түркмәнчај” мүгавиләләринин баискары да инҝилисләрдир. Амма 1979-ҹу ил Ислам ингилабындан сонра онларын ишләримизә мүдахиләсинә јол верилмәјиб”.
Теһран шәһәринин мүвәггәти имамҹүмәси 2009-ҹу ил президент сечкиләри илә бағлы иғтишашлары да Бөјүк Британијанын төрәтдијини вурғулајыб. Ә. Хатәми дејиб ки, Иран Мәркәзи Банкына санксијаларын тәтбиг едилмәси өлкә игтисадијјатына һеч бир тәсир ҝөстәрмәјәҹәк: “Бундан сонра Иран халгы “Америкаја өлүм!” шүарыјла бәрабәр, “Бөјүк Британијаја өлүм!” шүары да сәсләндирсин”.
О, БМТ-јә дә хәбәрдарлыг едиб: “БМТ Тәһлүкәсизлик Шурасы Бөјүк Британијанын ојунларына аләт олуб, өзүнү рүсвај етмәсин”.
Диггәт: Хәбәрдән истифадә етдикдә мәнбәјә истинад лазымдыр
