Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ Сафи Ҝүлпајигани Иран Ислам республикасынын орду команданлары илә ҝөрүшүндә демишдир: “Бу ҝүн әлдә етдијимиз инкишафлар кечмишлә мүгајисәдә чох фәрглидир. Бу инкишфлар Аллаһа иман руһијјәси сајәсиндә олмушдур. Әҝәр бу руһијјә олмасајды, биз һеч бир заман истиглал әлдә етмәздик. Руһаниләр дә ҝәрәк бунун гәдрини билсинләр. Өз рәфтар вә әмәлләри илә даһа чох инсаны өзүнә ҹәлб етсинләр. Онларын дүзҝүн рәфтарынын вә ҝөзәл әхлагынын тәсири бөјүкдүр. Руһаниләрин вәзифәси ағырдыр. Ҝәрәк мәһәббәтлә өз вәзифәләрини јеринә јетирсинләр.
Һәзрәт Пејғәмбәри (ә) өзүнүз үчүн әмәли нүмунә сечин вә әхлаги дәјәләрә садиг олун. Пејғәмбәрин (с) дәвәтинин мүвәффәгијјәт газанмасынын сәбәби әхлагы иди. О, әхлагы сајәсиндә һөкумәт тәшкил едәрәк, ону дини јолла идарә етди. Һәзрәт Пејғәмбәр (с) әдәбсизлик вә һөрмәтсизлик гаршысында чох сәбир етмишди. Әҝәр пис әхлаг ҝөстәрсәјди, инсанларын бир чоху ондан узаглашардылар.
Бизим бүтүн мүвәфәгијјәтләримиз Мәһәррәм ајынын бәрәкәтинә ҝөрәдир. Ҝәрәк бунун гәдрини биләк. Бу ајын бәшәр үчүн ҝәтирдији бәрәкәт тәсәввүр едилә билмәз. Лап кечмишдән бу бәрәкәт назил олмагдадыр. Биз ҝәрәк бу ајдан лазымлы бәһрәни ҝөтүрәк. Мәһәррәм бөјүк инсанлар үчүн тәрбијә институтудур. Бу институтун дәрсләри Мәһәррәм ајынын әввәлиндән башлајыб, ахырына гәдәр давам едир. Бу ајда тәрбијә олунанлар - шејтанын һүҹумларына гаршы мүгавимәтлидирләр. Хошбәхтликдән Тасуа вә Ашуранын даими нуранилији вардыр. Кечмишдән индијә гәдәр дүшмәнләр чалышырлар ки, бу нуру сөндүрсүнләр. Һалбуки, Аллаһин нуру һеч вахт сөнмәз. Һеч ким Онунла мүбаризә апара билмәз. Бу ҝүн бизим вәзифәмиз - Ашура һәдәфләрини һифз етмәкдир”.
Диггәт: Хәбәрдән истифадә етдикдә мәнбәјә истинад лазымдыр
