Әһли Бејт -АБНА- хәбәр аҝентлијинин вердији хәбәрә әсасән: "Һизбуллаһ" тәшкилатынын лидери Сејид Һәсән Нәсруллаһ Шәһидләр Ҝүнүндә чыхыш едәркән реҝиондакы проблемләр вә Исраил режиминин мүһарибә тәһдидләри барәдә фикирләрини ачыглајыб.
Ливанда тәшкил едилмиш Шәһидләр Ҝүнү илә бағлы тәдбирдә чыхыш едән Сејид Һәсән Нәсруллаһ Ливанын бу ҝүн сүлһ ичәрисиндә олмасынын әсас сәбәбинин "Һизбуллаһ" олдуғуну дејиб: "Ливан һәрби ҝүҹү, инсанлары вә мүгавимәти һесабына ҝүҹләниб, амма бу о демәк дејил ки, биз ајыг-сајыглығымызы итирмишик. Һәр заман ајыг-сајыг дајанмышыг. Биз Исраилин 2006-ҹы илдәки кими Ливана һүҹум едәҹәјини ҝөзләмирик. Исраилин Ливана мүһарибә елан етмәсинин сәбәби АБШ вә бејнәлхалг тәзјигләр јох, "Һизбуллаһ"ын ҝүҹлү олмасыдыр".
Нәсруллаһ АБШ вә Гәрб дөвләтләри тәрәфиндән өтән ҝүнләрдә Иран һаггында ачыгланан нүвә һесабатындан сонра Ирана вә Суријаја гаршы мүһарибә тәһдидләринә дә мүнасибәт билдирәрәк дејиб ки, Иран вә Суријаја гаршы һәр-һансы бир мүһарибә Иран вә Сурија сәрһәдләри дахилиндә галмаз, бүтүн бөлҝәјә тәсир едәр.
"Һизбуллаһ" лидери ЈУНЕСКО-нун Фәләстини гәбул етмәклә АБШ-ы гәзәбләндирдијини гејд едиб. О билдириб ки, буна сәбәб ЈУНЕСКО-нун Фәләстини гәбул етмәклә она бәзи һүгуглар вермәсидир.
Һәсән Нәсруллаһ, һәмчинин Суријада Бәшәр Әсәд һакимијјәтинин деврилмәсини истәјәнәләри бу фикирләриндән дөнмәјә чағырыб.
Диггәт: Хәбәрдән истифадә етдикдә мәнбәјә истинад лазымдыр
