Дәрс илинин һиҹаб гадағасы илә башланаҹағыны прогнозлашдырмышдым. Хатырлајырсызса, һиҹабын азадлығы наминә һаҹы Мөвсүм Сәмәдов (Азәрбајҹан һәбсханалардакы вәзијјәти нәзәрә алсаг) һәјатыны фәда етди.
Бир нечә митингләр кечирилди, Әлијев һакимијјәти бу митингләрдә иштирак едән һиҹаблы гадынлары фаһишә адландырараг дәјәнәкләрлә дөјдү, кишиләри ганына гәлтан едиб һәбсә атды, Гуран китабыны БИЛӘРӘКДӘН, ГӘСДӘН күчәнин ортасында тапдалады (даһа бундан сонра Гураны јандыран америкалы кешиш Терри Ҹонс өзүнә партнјор ахтармагда чәтинлик чәкмәјә биләр), сахладыглары митингчи диндарларын ҹибинә, евинә наркотик вә силаһ сурсат атыб шәрләјәрәк, һәбсхана вә тәҹридханаларда мүхтәлиф ишҝәнҹәләрә мәруз гојду.
Сонра ДЕВАММ сәдри Илгар Ибраһим оғлу гыса бир мүддәтә һиҹаб вә һиҹаб мәһбусларынын азад олмалары үчүн Президент Әлијевә үнванланаҹаг мүраҹиәтдә јүз минлик имза кампанијасыны башлады вә битирди.
Дәрс илинин башламасына ики ҝүн галмыш АБШ Дөвләт Департаментинин јајылан һесабатында Азәрбајҹанда дини етигад азадлығы тәнгид олундуғу үчүн романтикләр ҝеҹә или һиҹаб гадағасынын арадан галдыраҹағына инанды, үмидләнди вә сентјабрын 15-и ҝәлмәдән дәрин депресив мәјуслуг һиссләринин изтирабларыны јашамаг мәҹбуријјәтиндә галды. Чүнки, Һесабат дәрҹ олундуғу ҝүн Бакы Шәһәр Тәһсил Идарәсинин Иҹтимаијјәтлә Әлагәләр шөбәсинин мүдири Зәминә Әлигызы мәтбуатда вердији ачыгламада билдириб : “Јени дәрс илиндән тәһсил мүәссисәләринә һиҹабла ҝедән шаҝирдләр дәрсә бурахылмајаҹаг. Бу дәрс илиндән етибарән ваһид мәктәбли ҝејимләри бүтүн синифләрә тәтбиг олунаҹаг, истисна һал кими мәктәбли ҝејимини әлдә едә билмәјәнләрә Октјабрын биринә гәдәр ҝүзәшт едиләҹәк.
Һәмин ҝүндән сонра исә ҝүзәшт олмајаҹаг. Һәр кәс Бакы шәһәри үзрә Тәһсил Идарәси тәрәфиндән мүәјјәнләшдирилән ваһид мәктәбли ҝејиминдә тәдрис просесинә гатылмалыдыр. Һиҹаб мөвзүсу артыг гапаныб.
Һиҹаб мөвзүсунун јенидән ҝүндәмә ҝәлмәсини арзуламырыг, чүнки мөвгејимиз дәјишмәјәҹәк. Ваһид мәктәбли формасы һәр кәсә, бүтүн иҹтимаијјәтә бәллидир”.
Бундан сонра бу солғун романтик адамлары мән һәмин ҝүн ҝөрүб сөһбәт едәндә, онларын мәлум шикајәтләрини динләјәндә, ҝәлдијим гәнаәт, Шејтанла мүбаризә үсулунун доғру сечилмәсинин ваҹиблијинә диггәт јетирмәкдән ибарәт олур.
Һәгигәтән ја еффектив ресептин ихтирасына еһтијаҹ вар (бу ихтиранын баш верәҹәјинә дәрин шүбһә илә јанашырам), ја да азад инсан олуб сәадәтә чатмаг үчүн Имам Һүсејн јолундан фәргли бир истигамәтин олмамасына бир даһа әмин олурам. Нә исә, Дөвләт Департаментинин һесабатындан сонра нә гәдәр КИВ-ни изләдим, бахдым бәлкә бир мүнасибәтә раст ҝәләрәм вә ја бирдән һакимијјәтдәкиләр мөҹүзә нәтиҹәсиндә һидајәт оларлар, бир нечә теолог вә философлар истисна олмагла ҝөрдүм јох һамы сусуб.
Философлар кими дә теологларын гәнаәтинҹә дини екстремизмин, радикаллығын гаршысыны һеч дә вәтәндаш азадлыгларынын мәһдудлашдырмасы илә алмаг мүмкүн дејил. Әксәр һалларда рәсмиләр вә експертләр дини ҹамиләрә вә сектора кәнар тәсирләр, хариҹи дөвләтләрдән мүдахиләләрин олдуғуну иддиа едирләр. Бу инкар олунмур.
Глобаллашан дүнјада һәр бир конјугасија просесинин истигамәтләри, АБШ-ын арзуладығы вә тәләб етдији кими мөвҹуд олмаг мәҹбуријјәтиндә дејил. Буна ҝөрә Азәрбајҹана вәһши ҹоwбој мәдәнијјәтиндән, јыртыҹылыға вә зоракылыға истинадланан әрәб вә күрд менталитетинин тәзаһүрүндән тутмуш та “Ҹоммунитј суҹҹессор оф Луҹифер” иҹмасына гәдәр һәр кәс вә һәр шеј ҝәлә билир.
Еләҹә дә истедадлы ҝәнҹ азәрбајҹанлылар КҮТЛӘВИ сурәтдә Азәрбајҹаны һәмишәлик тәрк едиб Авропа вә АБШ-а үз тутурлар. Русијада јашајан азәрбајҹанлылар белә өвладларыны гәрбә әманәт едирләр. Мадам һәр шеј ҝәлиб ҝедә билир, демәли миссионерләр дә ҝәлиб ҝедә биләҹәји сирр олмамалыдыр.
Һеч сөзсүз кәнар дөвләтләр диндән өз сијаси мәгсәдләри үчүн истифадә едә биләр, һәтта һансы са һакимијјәтләр белә өз мәнафеләри үчүн истифадә едә биләр вә бунлар һамысы ҝөзләнилән вә нормалыдыр. Бунун гаршылығында Азәрбајҹан һакимијјәти инсанларын тәбии вә конститусион һүгугларыны позан дини гадағалары тәтбиг етмәклә хариҹи тәсирләрдән өзүнү сығорталајыр јохса јох ?
бу суала һакимијјәт ја ҹаваб тапмаг истәмир, ја да сәһв ҹаваб тапыб. Өлкә дахилиндә дин тәблиғинә нормал шәраитә имкан верилмирсә, һагг ахтарышында олан иманлы инсанлар хариҹи мәнбәләрә үз тутмаг мәҹбуријјәтиндә галыр.
Хариҹи рүһани алимләр дә дини гадағалары, Азәрбајҹан һакимијјәтини Шејтана көләлик едиб Аллаһла ачыг ашкар мүһарибә апармасыны, бундан исә садә вә мәзлум әһалинин әзијјәт вә зүлм чәкмәсини ҝөрүб өз мөвгеләрини билдирирләр. Дәрһал да рәсми шәхсләр руһаниләрин мөвгеләрини Өлкәмизин дахили ишләринә гарышмаг ҹәһди кими гијмәтләндирирләр.
Дини ҹамиләрдә хүтбә дејән, аудиторија идарә едән јерли руһаниләр бир чох һалларда бу гадағаларла бағлы суаллара ја ҹаваб верә билмир, ја да објектив ҹаваб вердикдә өмрүнүн галан һиссәсини һәбсханада ишҝәнҹәјә мәруз галмагла кечирир. Бәли руһаниләр белә бир гәнатә ҝәлибләр ки, һиҹабын гадағасы мәһз азадлыгларын мәһдудлашдырылмасыдыр. Бу исә динин силинмәсини шәртләндирмәјәҹәк.
Бәлкә дә дини радикализмин инкишафы үчүн зәмин мејдана ҝәтирәҹәк. Онлар буна мисал олараг ән чох Сталинизми ҝөстәрирләр. Амма мүһарибә заманы Сталин динә гисмән дә олса азадлыг верди.
Өтән јазымда јазмышдым ки, Бакы Әјләнҹә Мәркәзиндә “Суҹҹессорс оф Луҹифер” дини иҹмасынын Азәрбајҹанда нүмајәндәлијинин ачылышы кечирилди вә бу тәдбирдә вәзифәли адамлар һәјат јолдашлары илә бирликдә иштирак едибләр. Амма онларын арасында һиҹаб дүшмәни Зәминә Әлигызы олмајыб, башгалары олуб. Демәли һәлә белә тәдбирдә иштирак етмәјән Зәминә Әлигызыдан һиҹаб гадағасынын мүдафиәсини ҝөзләјириксә, ҝөр “Шејтан Давамчылары” иҹмасынын нүмајәндәләриндән даһа нәләр ҝөзләјәҹәјик. Бир ҝүн ешитсәм вә ја шаһиди олсам ки, Бакы күчәләриндә, ҝүнүн ҝүнорта чағы күтләви шәкилдә Гуран јандырылыб, һиҹаблы гызлары зорлајырлар тәәҹүбләнмә
