Әһли Бејт -АБНА- хәбәр аҝентлијинин вердији хәбәрә әсасән: Тәбриз Университети Иран Мәдәнијјәти вә Тарихи Инситутунун мүдири доктор Пәрғу "Ҝүлүстан мүгавиләси, сәбәб вә нәтиҹәләр" мөвзусу илә бағлы кечирилән елми јығынҹагда тарихи мәсәләләри елми топлантыларда арашдырмағы һазыркы заманын тәләбләриндән олдуғуну билдириб деди: "Иранын Гафгазда һазыркы вәзијјәтини арашдырмаг вә ону Иран мәдәнијјәт вә тарихинин Гафгазда јери илә мүгајисә етмәк, бу елми топлантынын әсас һәдәфләриндәндир".
Доктор Пәрғу тарихи просесләрдә өнҹүл шәхсијјәтләрин ролуна ишарә едәрәк деди: "Әмир Кәбир кими шәхсијјәтләрин Иран тарихиндә өнәмли хидмәтләри олдуғу кими бу ҝүнләри Иран мәдәнијјәти һөвзәсиндә јерләшән өлкәләрдә дә өз өлкәләринин тарихи кимлик вә мәдәнијјәтини горумаға чалышан шәхсијјәтләр мөвҹуддур. Лакин тәәссүфләр олсун ки, белә шәхсләр бәзи өлкәләрдә дөвләтин онлара гаршы бәрк нараһатлығы илә гаршылашырлар".
Иран Мәдәнијјәти вә Тарихи Инситутунун мүдири АИП сәдри доктор Мөвсүм Сәмәдов кими шәхсләрин Азәрбајҹанда сәјләринә ишарә едәрәк деди: "Һал-һазырда Азәрбајҹан Республикасында бу өлкәнин тарихи кимлији вә мәдәнијјәти илә ҹидди мүбаризә апарылыр. Һабелә, Ислам вә бу өлкәнин ајрылмаз һиссәси сајлан шиә мәзһәбинә гаршы чохлу мәһдудијјәтләр гојмушдур. Бу просесләрин сонунда мәктәбләрдә һиҹабын гадаған олмасы вә доктор Мөвсүм Сәмәдовун бу гадағаја етираг етдији үчүн 12 ил мүддәтиндә азадлыгдан мәһрум едиләрәк зиндана салынмасы олдугҹа тәәҹҹүб вә тәәссүф доғурур".
Доктор Пәрғу Азәрбајҹан Республикасында иддиа олунан азадлығын диндарлара да шамил олмасынын ваҹиблијини билдириб деди: "Рзаханын һиҹабла мүбаризәси нәтиҹәсиз галдығы вә Иран халгынын ислами бир ингилабла өз дини етигадларына бағлы гала билдикләри кими Азрбајҹан Республикасында да һиҹабла мүбаризә нәтиҹәсиз галаҹаг вә мәзлумлар барәдә олан илаһи вәд мүтләг ҝерчәкләшәҹәкдир".
Гејд едәк ки, "Ҝүлүстан мүгавиләси, сәбәб вә нәтиҹәләр" мөвзусу илә бағлы кечирилән елми јығынҹаг чәршәнбә ҝүнү 12 октјабрда Тәбриз Университетиндә кечирилди.
Диггәт: Хәбәрдән истифадә етдикдә мәнбәјә истинад лазымдыр
