Әһли Бејт -АБНА- хәбәр аҝентлијинин вердији хәбәрә әсасән: Иран Ислам Респуликасынын мүтәхәссисләри хәрчәнҝ вә ГИЧС хәстәликләринә гаршы нанодәрманлар истеһсал едибләр вә бу дәрманлар һазырда өлкәнин бәзи хәстәханаларында истифадә олунур. Буну Иранын Нанотехнолоҝијалар Тәшкилатынын рәһбәри доктор Сәид Сәркар дејиб. Бу барәдә Тренд Иранын МЕҺР хәбәр аҝентлијинә истинадән мәлумат верир.
О билдириб ки, "дохорубиҹин" адланан бу нанодәрман ҝәлән үч ај әрзиндә аптекләрдә сатыша чыхарылаҹаг. "Бу дәрман сүд вәзиси вә јумурталыг хәрчәнҝи, ГИЧС кими хәстәликләрин мүалиҹәсиндә истифадә олунур", - Сәркар гејд едиб.
Диггәт: Хәбәрдән истифадә етдикдә мәнбәјә истинад лазымдыр
