Әһли Бејт -АБНА- хәбәр аҝентлијинин вердији хәбәрә әсасән: Вашингтон Милли авиасија вә космонавтика музеји нүмајишчиләрин һүҹумундан сонра бағланыб.
Нүмајишчиләр әввәлҹә музејдә пилотсуз учуш апаратлары сәрҝисинин јанында етираз аксијасы кечирмәк истәјибләр.
Ичәри бурахылмадыгларыны ҝөрәндә аксија иштиракчылары бинаны әлә кечирмәјә ҹәһд едибләр. Онлара гаршы ҝөзјашардыҹы газдан истифадә олундугдан сонра нүмајишчиләр дағылышыблар. Аксијада 200-дәк етиразчы иштирак едиб. Полис бир нәфәр аксија иштиракчысыны һәбс едиб.
Нүмајишчиләр арасында «Колумбија маһалыны ишғал ет» тәшкилатынын үзвләри олуб. Бу тәшкилат «Уолл-стрити ишғал ет» групуна ујғун олараг јарадылыб. Сонунҹу сентјабрын орталарындан Нју-Јоркда етираз аксијалары кечирир.
Диггәт: Хәбәрдән истифадә етдикдә мәнбәјә истинад лазымдыр
