Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Азәрбајҹан Ислам Партијасынын (АИП) сәдри Һаҹы Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партија сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Сејјид Фәрамиз Аббасов вә Зүлфүгар Микајылзадәнин ҹинајәт иши үзрә мәһкәмәнин сон иҹласы кечирилиб.
Исламчылара үмумиликдә 65 ил 6 ај һөкм охунуб.
Вәкил Анар Гасымлы мәһкәмәнин чыхардығы гәрарлара етираз едәрәк дејиб: "Бу бир мәналы шәкилдә бөјүк рәзаләт вә Азәрбајҹанда әдаләтсизлијин тәнтәнәси иди. Ади бир епизоду сизә хатырладым. Бунунла да мәһкәминин неҹә һөкм вердијини өзүнүз характеризә един. Һөкмдә һаким охуду ки, мәһкәмә Мөвсүм Сәмәдовун һимајәсиндә азјашлы ушагларын олмасыны вә онун биринҹи дәфә мәһкумлуғуну јүнҝүлләшдириҹи һал кими нәзәрә алыр. Амма о, Мөвсүм Сәмәдова прокурорун тәләб еләдији ҹәзаны тәтбиг етди. Мараглыдыр ки, һаким бурада нәји нәзәрә алыб. Чох абсурд ситуатсијадыр. Биз мәһкәмәнин бу әдаләтсиз һөкмүндән аппелијасија шикајәти верәҹәјик."
Диггәт: Хәбәрдән истифадә етдикдә мәнбәјә истинад лазымдыр
