Әһли Бејт -АБНА- хәбәр аҝентлијинин вердији хәбәрә әсасән: Рәшт әјаләтинин мүвәггәти имам ҹүмәси һөҹҹәтүл-ислам вәл мүслимин Гуламрза Шәфии бу һәфтәки ҹүмә намазынын сијаси-ибади хүтбәләриндә һиҹаб гадағасына етираз етдикләринә ҝөрә һәбс едилмиш диндарлара 12 ил һәбс ҹәзасы верилмәсинин истәнилмәсини писләјәрәк, билдирди: "Илһам Әлијев, Рзахан вә Ататүрк кими реҝион диктаторларынын башларына ҝәләнләрдән ибрәт ҝөтүрмәли, ҹамаатын ислам истәкләри илә мүбаризә етмәмәлидир. Азәрбајҹан ҹамааты сакит дајанмамалы вә ислами ојанышын белә јүксәк һәддә чатдығы бир дөврдә өз өлкәләриндә Ислама гаршы чыхмаға иҹазә вермәмәлидирләр".
Имам ҹүмә, Фәләстин мәзлум халгына дәстәк ҝүнүнүн ҝәлиб чатмасына ишарә едәрәк деди: "Бәзиләри фитнә ҹәрәјанындан хәбәрләри олмадан Фәләстин мәсәләләри барәдә аздырыҹы шүарлар сәсләндирдиләр. Бу да онларын Исламдан хәбәрсизликләринин әламәтидир".
Һөҹҹәтүл-ислам вәл мүслимин Гуламрза Шәфии Нија инсанын өз һәмнөвүнә көмәк етмәсини Исламын тәкид етдији мәсәләләрдән олдуғуну билдириб, деди: "Мәзлумлара көмәк етмәк Иран мүсәлманларынын һәр биринин шәри вә гануни вәзифәсидир".
Диггәт: Хәбәрдән истифадә етдикдә мәнбәјә истинад лазымдыр
