Әһли Бејт -АБНА- хәбәр аҝентлијинин вердији хәбәрә әсасән: Имам Хамнеи фәләстинлиләрин иштиракы илә референдум кечирилмәсини тәклиф едиб.
"Биз јәһудиләри нә дәнизә төкмәји, нә дә БМТ-нин васитәчилијини тәклиф едирик. Биз тәклиф едирик ки, бүтүн фәләстинлиләрин иштиракы илә референдум кечирилсин"
ИРНА аҝентлијинин мәлуматына ҝөрә, бу сөзләри Иран Ислам Республикасинин али дини лидери Ајәтуллаһ Хамнеи Теһранда кечирилән 'Фәләстиндә халг һәрәкатынын мүдафиәси' В Бејнәлхалг Конфрансында чыхышы заманы билдириб. О дејиб: "Обама билдирир ки, Исраилин тәһлүкәсизлији ҝырмызы хәттимиздир. Амма ҝөрәҹәк ки, реҝион халгларынын ојанышы илә бу ҝырмызы хәтт сынаҹаг. Бу ҝүн Исраили тәһдид едән Иранын ракетлери вә ја силаһлы мугавимәти дејил, империализмә бојун әјмәк истәмәјән реҝион халгларынын ојанышыдыр".
Хатырладаг ки, Иран парламентинин спикери Әли Лариҹани Гафгаз Мүсәлманлары Идарәсинин рәһбәри Аллаһшүкүр Пашазадәни дә тәдбирдә иштирака дәвәт едиб. Шејхүлислам Аллаһшүкүр Пашазадәнинин чыхышы заманы Азәрбајҹанын Фәләстин халгынын һагг сәсинә дәстәк олаҹағыны вә бу јолда атылмыш аддымлар барәдә данышаҹағы, һәмчинин, Фәләстин мәсәләсиндә мүсәлман бирлијинин ваҹиблијини вурғулајаҹағы ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
