Әһли Бејт -АБНА- хәбәр аҝентлијинин вердији хәбәрә әсасән: Исвечрә парламентинин депутатлары сағ радикал Халг Партијасынын нигабын гадаған едилмәсилә бағлы тәклифинин леһинә сәс верибләр.
'Неwсме' сајтынын мәлуматына ҝөрә, Исвечрә Федерал Јығынҹағынын (парламентинин) алт палатасында тәклифин леһинә 101, әлејһинә исә 77 депутат сәс вериб. Ганунун гәбул едилмәси үчүн јухары палата - Кантонлар Шурасы да тәклифә мүсбәт рәј вермәлидир.
Ганун лајиһәсинә әсасән, нигаб тахан шәхсләрин федерал, кантон вә шәһәр һөкүмәти идарәләринә мүраҹиәт етмәси гадаған олунур. Бундан башга, ганун лајиһәси гәбул едиләрсә, үзү бағлы шәхсләрин иҹтимаи нәглијјат вә иҹтимаи јерләрдә тәшкил олунан тәдбирләрдә иштирак етмәсинә гадаға гојулаҹаг.
Билдирәк ки, Авропа өлкәләри арасында нигабын тахылмасына гадаға гојулан илк өлкә Франсадыр. Бу өлкәдә иҹтимаи јерләрдә нигаб вә һиҹаб тахан шәхсләр 150 авро ҹәримә өдәмәлидирләр.
Диггәт: Хәбәрдән истифадә етдикдә мәнбәјә истинад лазымдыр
