Әһли Бејт -АБНА- хәбәр аҝентлијинин вердији хәбәрә әсасән: Тәбриздән Бакыја бирбаша һава рејси ачылыб. Бу барәдә Киш Аир авиаширкәтинин Тәбриз нүмајәндәлијинин рәһбәри Надир Ҹәвани билдириб.
Онун сөзләринә ҝөрә, сентјабрын 20-дә илк учуш һәјата кечириләҹәк. Ҹәвани билдириб ки, "Киш Аир" ширкәти тәшкил едиләҹәк һава рејсләри һәфтәдә ики дәфә - чәршәнбә ахшамы вә шәнбә ҝүнү учуш һәјата кечириләҹәк.
Киш АИР рәсмиси гејд едиб ки, бу учуш Тәбриз-Бакы вә Бакы-Тәбриз олаҹаг. Бу һава рејсләриндә 150 нәфәр тутуму олан "Боинг МД" тәјјарәсиндән истифадә олунаҹаг. Илк рејс үчүн 100 нәфәр артыг мүраҹиәт едиб. Ҝедиш вә ҝәлиш үчүн билетин гијмәти 250 АБШ доллары ҹиварындадыр.
Диггәт: Хәбәрдән истифадә етдикдә мәнбәјә истинад лазымдыр
