Әһли Бејт -АБНА- хәбәр аҝентлијинин вердији хәбәрә әсасән: Дүнја Мүсәлманларынын Бөјүк Мәгамлы Рәһбәр Ајәтуллаһ Хаменеи Теһранда кечирилмиш Бејнәлхалг Ислам Ојанышы Конфрансында өз тарихи бәјанатын вермишдир. Бәјанатын мәтни илә сајтымызын зијарәтчиләрини таныш едирик:
Бисмиллаһир-рәһманир-рәһим
Әссәламу әләјкум вә рәһмәтуллаһи вә бәрәкатуһ
Әлһәмдулиллаһи рәббил-аләмин вәссәлату вәссәламу әла сәјјидина муһәммәдин вә алиһит-тәјјибин вә сәһбиһил мунтәҹәбин вә мән тәбиәһум би еһсанил ила јәвмиддин
بِسْمِ اللَّهِ الرَّحْمَٰنِ الرَّحِيمِ يَا أَيُّهَا النَّبِيُّ اتَّقِ اللَّهَ وَلَا تُطِعِ الْكَافِرِينَ وَالْمُنَافِقِينَ ۗ إِنَّ اللَّهَ كَانَ عَلِيمًا حَكِيمًا * وَاتَّبِعْ مَا يُوحَىٰ إِلَيْكَ مِنْ رَبِّكَ ۚ إِنَّ اللَّهَ كَانَ بِمَا تَعْمَلُونَ خَبِيرًا * وَتَوَكَّلْ عَلَى اللَّهِ وَكَفَى بِاللَّهِ وَكِيلًا
(Галәллаһул-әзизил һәким: бисмиллаһир-рәһманир-рәһим; ја әјјуһәннәбијјут-тәгиллаһә вәла тутил кафиринә вәл-мунафигин; иннәллаһә канә әлимән һәкима; вәттәби ма јуһа иләјкә мин рәббикә иннәллаһә канә бима тәмәлунә хәбира; вәтәвәккәл әләллаһи вә кәфә биллаһи вәкила)
Ја Пејғәмбәр! Аллаһдан горх, кафирләрә вә мүнафигләрә итаәт етмә. Һәгигәтән, Аллаһ (һәр шеји) биләндир, һикмәт саһибидир! Рәббиндән сәнә вәһј олунана (Гурана) табе ол. Аллаһ, шүбһәсиз ки, нә етдикләриниздән хәбәрдардыр! Аллаһа тәвәккүл ет. Аллаһын (бүтүн ишләрдә сәнә) вәкил олмасы кифајәт едәр! (Әһзаб 1-3)
Әзиз иштиракчылара, гонаглара хош ҝәлдиниз дејирәм. Бизи бу мәҹлисә топлајан Ислами ојаныш просесидир. Јәни мәнтәгә халглары арасында бөјүк тәбәддүлат јаратмыш, ингилаблар әрсәјә ҝәтирмиш ојаныш вә аҝаһлыг ҝүндәмдәдир. Бу ојаныш мәнтәгәјә вә дүнјаја һаким кәсилмиш шејтанларын ағлына ҝәлмирди. Бу әзәмәтли дирчәлиш истибдад сәдләрини виран гојду, онун мүһафизләрини дизә чөкүрүб гәзәбә ҝәтирди.
Шүбһә јохдур ки, бөјүк иҹтимаи тәбәддүлатлар даим тарихи, мәдәни, мәнәви вә тәҹрүби дајаглара малик олур. Сон 150 илдә Мисир, Ираг, Иран, Һинд, диҝәр Асија вә Африка өлкәләриндәки бөјүк мүтәфәккир вә мүҹаһидләрин һүзуру һазыркы ојаныш үчүн бир зәмин олмушдур.
Бу өлкәләрдә милади 50, 60-ҹы онилликләрдәки һадисәләрин бир чоху адәтән материалист дүнјаҝөрүшү илә мүшајиәт олунмушдур. Тәбии олараг мәнтәгәјә гәрб империалистләри һаким кәсилмишдир. Бурада һазыркы Ислам дүнјасы үчүн дүшүнҹәләри формалашдыран ибрәтамиз тәҹрүбәләр вардыр.
Иранда бөјүк Ислам Ингилабы һадисәси, бөјүк имам Хомејнинин тәбиринҹә ганын шәмширә галиб ҝәлмәси илә тамамланды. Давамлы, игтидарлы, ҹәсарәтли Ислам Республикасы тәшкил олунду. Буҝүнки ислами ојанышда һәмин республиканын тәсири ајрыҹа бир мөвзудур. Дүнја тарихиндә өз јери олан бу һадисәнин арашдырылмасынын јери вар.
Ислам дүнјасында артан хәтлә инкишаф едән һадисәләрин тарихи көкләри вар вә дүшмәнләр ону өтәри бир далға кими дәјәрләндирмәкдә јанылырлар. Онлар чашдырыҹы вә гәрәзли арашдырмалары илә халгларын үмид мәшәләни сөндүрмәк истәјирләр.
Гардашјана сөһбәтимдә үч нөгтә үзәриндә дајанмаг истәјирәм:
1.Гијам вә ингилабларын маһијјәтинә хүласә бахыш;
2.Бу јолдакы тәһлүкәләр вә бөјүк зәрбәләр;
3.Зәрбә вә тәһлүкәләрин гаршысынын алынмасы үчүн тәклифләр.
Биринҹи нөгтә илә бағлы буну дејә биләрәм ки, мәним нәзәримҹә бу ингилабларда ән әсас үнсүр халгын мејданларда иштиракыдыр. Онлар тәкҹә гәлб, истәк, иман јох мүбаризә мејданында ҹиһадла сәсләрини галдырдылар. Белә халг гијамы илә бир груп һәрбичинин гијамы арсында бөјүк фәрг вар.
50 вә 60-ҹы онилликләрдә Африка вә Асијанын бир чох өлкәләриндә хүсуси груплар ингилаб јүкүнү өз чијнинә алды. Онлардан сонракы нәсилләр јолу дәјишдиләр вә игилаблар онларын өзүнә гаршы чеврилди. Дүшмән нөвбәти дәфә бу өлкәләрә һаким кәсилди. Бу халг һәрәкатындан фәргләнир. Бу ҝүн мејданларда ҹаныны сипәр едән халгдыр. Онлар өз ҹиһад вә фәдакарлыглары илә дүшмәни сәһнәдән чыхарырлар.
Бу гијамларда шүар јарадан халгдыр. Мәгсәдләри мүәјјәнләшдирән, дүшмәни танытдыран, ону тәгиб едән, ҝәләҹәји мүәјјәнләшдирән халг өзүдүр. Онлар дүшмәнлә сазишә, ингилаб јолунун дәјишмәсинә иҹазә вермирләр.
Халг һәрәкатында ингилаби һадисәләрдә тәхир ола биләр. Амма маһијјәт дәриндир. Бу ејнән Аллаһын бујруғунун бир нүмунәсидир: “Мәҝәр Аллаһын неҹә бир мәсәл чәкдијини ҝөрмүрсәнми? Хош бир сөз (ла илаһә иллаллаһ, Муһәммәдун рәсулуллаһ) көкү јердә мөһкәм олуб будаглары ҝөјә уҹалан ҝөзәл бир ағаҹ (хурма ағаҹы) кимидир.” (Ибраһим 24)
Мән ҹәсур Мисир халгынын Тәһрир мејданындакы һәрәкатыны телевизијадан сејр едәндә әмин олдум ки, бу ингилаб галиб ҝәләҹәк. Дүзү Иранда Ислам Ингилабынын гәләбәси вә Ислам Республикасынын тәшкилиндән сонра јаранан бөјүк зәлзәлә Шәрг вә Гәрбдәки империалистләри, һәм дә мүсәлман халглары һәрәкәтә ҝәтирди. Биз Мисирин һамыдан өнҹә ајаға галхаҹағыны ҝөзләјирдик. Мүбаризә, фәдакарлыг јолу кечмиши, бөјүк мүҹаһид вә мүтәфәккир шәхсијјәтләри биздә белә бир интизар јарадырды. Амма Мисирдән сәс чыхмырды. Мән гәлбимдә Мисир халгына мүраҹиәтлә Әбу Фәрасын шеирини зүмзүмә едирдим. (اَراكَ عَصِيَّ الدَّمعِ شيُمتُك الصبر/اَما لِلهوى نهىٌ عليك و لا امرٌ)
Мисир халгыны Тәһрир мејданы вә башга шәһәрләрдәки мејданларда ҝөрәндә суалыма ҹаваб алдым. Бу халг гәлб дили илә мәнә ҹаваб верди. (بَلى اَنَا مُشتاقٌ و عِندِىَ لَوعةٌ/ولكنَّ مِثلى لايُذاعُ لهُ سِرٌّ)
Бу мүгәддәс сир, јәни гијам ирадәси тәдриҹән Мисир халгынын зеһниндә ҝүҹләнди, формалашды вә тарихи бир ҝүндә мејдана чыхды. Тунис, Јәмән, Ливија, Бәһрејн дә бу һөкмдәдир. “Мөминләр ичәриләриндә еләләри дә вардыр ки, Аллаһа етдикләри әһдә садиг оларлар. Онлардан кимиси (бу јолда) шәһид олмуш, кимиси дә (шәһид олмасыны) ҝөзләјир. Онлар (вердикләри сөзү) әсла дәјишмәзләр...” (Әһзаб 23)
Бу гәбил ингилаблар өнҹәдән груплар вә партијалар тәрәфиндән һазырланмыш манифестләр јох, гәлбләрин сәси илә һәјата кечир. Онларын шүарлары күтләләрин истәјидир. Бу һесабла ајдын ҝөрмәк олар ки, мәнтәгәнин һазыркы ингилабларынын маһијјәти нәдир. Онларын истәји иззәт вә шәрәфин, кәрамәтин гајтарылмасыдыр. Бүтүн бунлар узун бир дөвүрдә азғын диктаторлар, АБШ вә Гәрб империализми тәрәфиндән ајаг алтына алынмышдыр.
Ислам бајрағыны галдырмаг халгларын етигадындан доған гәдим бир истәкдир. Руһи арамлыг, әдаләт, тәрәгги јалныз Ислам шәриәтинин көлҝәсиндә әлдә олуна биләр. Америка вә Гәрб империализми илә ики әсрә јахын чарпышма бу мәнтәгә халгларына бөјүк зәрбә вурмушдур. Мәнтәгә халгларынын күрәјинә хәнҹәр кими санҹылмыш сахта сионист дөвләт, бу гәсбкар режимлә мүбаризә һәлә дә Фәләстин халгыны тарихи јурдуна гајтармамышдыр.
Әлбәттә ки, мәнтәгәдәки ингилабларын принсип вә шүарлары АБШ, Гәрб вә Исраилин хошуна ҝәлмир. Онлар һәр васитә илә ингилабларын маһијјәтини инкар етмәјә чалышырлар. Амма ҝерчәклик онлара галибдир.
Ингилабларын маһијјәтиндә әсас үнсүрләрдән бири халгын иштиракыдыр. Хариҹи гүввәләр һәр васитә илә чалышдылар ки, бу өлкәләрдә өз муздурларыны һакимијјәтдә сахласынлар. Јалныз о заман бу һимајәдән әл чәкдиләр ки, халг һәрәкатларынын јатырылмасына зәррәҹә үмид галмады. Онларын өзүнү бу ингилаблара шәрик билмәк һаггы јохдур. Ливија кими бир өлкәјә Америка вә НАТО-нун мүдахиләси һәгигәти өрт-басдыр едә билмәз. НАТО Ливијада бөјүк дағынтылар јаратды. Онларын мүдахиләси олмасајды ингилабын гәләбәси азҹа јубана биләрди, амма әвәзиндә бу гәдәр дағынты баш вермәзди. Ҝөрүн нә гәдәр ҝүнаһсыз гадын вә көрпә гәтлә јетирилиб. Узун илләр боју Гәззафи илә әлбир олмуш дүшмәнләр бу мәзлум өлкәнин ишинә гатышмаг һаггына малик дејил.
Бу ингилабларын һәгиги саһиби, ҝәләҹәк јолу мүәјјәнләшдирән халгын өз ичиндән чыхмыш фәдакар инсанлар, мүтәфәккирләр олаҹаг, иншааллаһ.
Зәрбәләр вә тәһлүкәләр барәдә нә дејә биләрик? Өнҹә гејд едим ки, тәһлүкә олса да ондан горунма јолу да вар. Тәһлүкә халглары горхутмамалыдыр. Дүшмәнләр сиздән горхмалыдыр: “Иман ҝәтирәнләр Аллаһ јолунда, кафир оланлар исә Шејтан јолунда вурушурлар. О һалда Шејтанын достларыјла (кафирләрлә) вурушун! Шүбһәсиз ки, Шејтанын һијләси зәифдир!” (Ниса 76) Аллаһ-Таала илкин Ислам дөврүнүн мүҹаһидләрини јада салыр: “О кәсләр ки, халг онлара: “Ҹамаат (Әбу Сүфјан вә тәрәфдарлары) сизә гаршы (гүввә) топламышдыр, онлардан горхун!” - дедикдә, (бу сөз) онларын иманыны даһа да артырды вә онлар: “Аллаһ бизә бәс едәр. О нә ҝөзәл вәкилдир!” – дејә ҹаваб вердиләр; Сонра да Аллаһын немәти вә лүтфү сајәсиндә өзләринә һеч бир әзијјәт тохунмадан ҝери дөндүләр вә Аллаһын разылығыны газанмыш олдулар. Һәгигәтән, Аллаһ бөјүк мәрһәмәт саһибидир.” (Али-Имран 173-174)
Һејрәтләниб тәрәддүд кечирмәмәк үчүн тәһлүкәләри танымаг зәруридир. Онлары таныдыгдан сонра чарә гылмаг олар. Биз бу гәбил тәһлүкәләрлә Ислам Ингилабындан сонра үз-үзә ҝәлдик. Онлары таныдыг, тәҹрүбәдән кечирдик. Аллаһын истәји, имам Хомејнинин рәһбәрлији вә халгын фәдакарлығы сајәсиндә бир чох тәһлүкәләрдән өтүшдүк. Әлбәттә ки, фитнәкарлыглар һәлә дә давам едир.
Мән бу тәһлүкәләри ики гисмә бөлүрәм. Биринҹиси көкү өз дахилимиздә олан тәһлүкәләрдир. Бу бизим зәифлијимиздән гајнагланыр. Дүшмән бу саһәдә лајиһәләр һәјата кечирир. Әввәла диктато
