Әһли Бејт -АБНА- хәбәр аҝентлијинин вердији хәбәрә әсасән:
Етираз аксијасы Мисирин Исраиллә сәрһәдиндә тәһлүкәсизлик әмәкдашларынын өлдүрүлмәси илә бағлы кечирилир. Мисир полиси сәфирлијин мүһафизәсини ҝүҹләндириб. Сәфирлијин јерләшдији бинанын јахынлығына һәрби техника ҝәтирилиб.
Хатырладаг ки, Мисир һөкумәти сон ики ҝүн әрзиндә Исраиллә сәрһәддә алты сәрһәдчисинин өлдүрүлмәси илә бағлы Исраилә рәсми етиразыны билдириб.
Сон ики ҝүн әрзиндә Мисир-Исраил сәрһәдиндә баш вермиш инсидентләрдә алты Мисир тәһлүкәсизлик хидмәтинин әмәкдашы һәлак олуб, бир нечәси јараланыб.
Онлардан үчү, јараглылары тәгиб едән Исраил вертолјотундан ачылан атәш нәтиҹәсиндә һәлак олублар. Јараглылар Мисир әразисиндә ҝизләнмәјә чалышырдылар.
Галан сәрһәдчиләр Мисирлә сәрһәддә Исраил һәрбичиләринин јараглыларла баш вермиш тоггушма заманы һәлак олублар.
Бу инсидентлә бағлы Мисир Исраилдәки сәфиринин ҝери чағырылмасы илә бағлы гәрар гәбул едиб.Мәлуматына ҝөрә, Мисир һөкумәтинин бәјанатына әсасән, бу аддым 5 мисирли һәрбчинин гәтли илә бағлыдыр. Рәсми Гаһирә һадисә илә бағлы арашдырма апарылмајанадәк сәфири ҝери гајтармағы планлашдырмыр.
Лакин рәсми Тел-Әвив һәрбчиләрин гәтли илә бағлы мәсулијјәти өз үзәринә ҝөтүрмәсә дә, фактла бағлы ҹидди арашдырманын апарылаҹағыны билдирир.
Диггәт: Хәбәрдән истифадә етдикдә мәнбәјә истинад лазымдыр
