Әһли Бејт -АБНА- хәбәр аҝентлијинин вердији хәбәрә әсасән:
Мүбариз Руһаниләр Ҹәмијјәти Азәрбајҹан Һакимијјәтинин мәмурларынын ики мөмин гардашымыз, нүфузлу Руһани Һаҹи Абҝүл Сүлејманов вә Исламазери.аз интернет гәзетинин Баш редактору Һаҹы Рамин Бајрамова гаршы еләдији һәјасызҹасына вә кобуд шәкилдә ганунсуз олараг һәбс етмәји вә мөһтәрәм аилә үзвләринә гаршы һөрмәтсизлији сәрт шәкилдә писләјир. Буну мүбарәк Рамазан ајында һакимијјәтин мөминләрә һәдијјәси сајырыг. Президентин ики ҝүн әрзиндә чыхышларында ислами дәјәрләри мүдафиә етдијинә бахмајараг атылан Ислам әлејһинә аддымлары вә һәбсләри чыхышларынын там әксини ҝөстәрир. Бурдан да белә гәнаәтә ҝәлмәк олар ки, ја өлкә башчысынын бу һәбсләрдән хәбәри јохдур ја да ки онун исламдан мудафиәси нифаг әламәтидир.
Гејд едәк ки, дүнән 11.08.2011-ҹи ил тарихиндә Һаҹы Абҝүл Исмајыллы рајонунун Лаһыҹ кәндиндә гајнатасынын евиндә оларкән һәбс едилиб.
Дахил олан мәлумата ҝөрә, бир нечә дәгигә өнҹә өлкәнин танынмыш руһаниси Һаҹы Абҝүл Сүлејманов полис тәрәфиндән сахланылыб.
Полисләр Абҝүл Сүлејмановун олдуғу евә басгын едәрәк ону зоракылыгла полис автомобилинә миндирибләр.
Полис евдә вәһшилик төрәдиб; ев әшјалары сындырараг јарарсыз һала салыныб.
Һәмчинин дүнән Исламазери.аз интернет гәзетинин баш редактору Рамин Бајрамов саат 15:30 радәләриндә мүлкү ҝејимлиләр тәрәфиндән намәлум истигамәтдә апарылыб.
Ону Низами метросунун јахынлығындан апарыблар.
4 мүлкү ҝејимли шәхс Рамин Бајрамову БМW маркалы "НОЛ 557-Ҹ" нөмрә нишанлы автомобилә миндириб вә намәлум истигамәтә апарыб.
Рамин Бајрамовун вәкили Елчин Намазов мүвәккили илә бағлы олајлары рәсми олараг данышды: "Бу ҝүн (11.08.2011) ислам-азери.аз интернет гәзетинин баш редактору Рамин Бајрамов һәбс олунуб. Ону ҝүнорта саатларында МТН-нин 2-ҹи бөлмәсинин әмәкдашлары "оғурлајараг" МТН-нин бинасына апарыблар. Орада ҹибинә наркотик гојулуб. Оруҹ олан Һаҹы Рамин биринҹи дәфә наркотики ҹибиндән чыхарыб атмаға мүвәффәг олуб. Анҹаг тәкрар олараг һәмин наркотики ҹибинә зорла гојараг, сәнәдләшдирибләр. Даһа сонра онун Хырдалан шәһәриндә јерләшән мәнзилинә бахыш кечирилди. Мән бахышын сонуна чатдым. Раминин евинә бир әдәд тапанча 2 әдәд ф-1 гумбара гојуб сонра чыхардыблар. Протокол сахталашдырылды. Бизим етиразларымыз гејд олунмады. Бу ҹүмләләри јазаркән мәни Милли Тәһлүкәсизлик Назирлијинә чағырдылар. Аллаһ көмәјимиз олсун!"
Диггәт: Хәбәрдән истифадә етдикдә мәнбәјә истинад лазымдыр
