Әһли Бејт -АБНА- хәбәр аҝентлијинин вердији хәбәрә әсасән:
Азәрбајҹан Республикасы Ислам Партијасынын сәдри вә һиҹаб мүдафиәчиләри ады илә танынан диҝәр мәһбусларын һүгугларыны мүдафиә комитәсинин үзвләри тәшкил етдикләри тәдбирдә инсан һагларыны мүдафиә тәшкилатлары, еләҹә дә партијалар, гурумлар вә бејнәлхалг тәшкилатларын нүмајәндәликләри Бакы медиаларындан истәјиб ки, мәһкәмәнин исламчы мәһбуслара гаршы вурдуғу әсассыз иттиһамларла бағлы мәсулијјәтләрини јеринә јетирсинләр.
Бакыдакы јерли гајнагларын мәлуматына әсасән, Ислам Партијасынын һәбсдә олан сәдри Һаҹы Мөһсүн Сәмәдов вә өлкәдә тутулан диҝәр фәал исламчы мәһбуслары мүдафиә едән комитәнин үзвләри мәһкәмәнин 4 августда вурдуглары иттиһамлары о ҹүмләдән исламчыларын һөкумәти девирмәк ҹәһди, Азәрбајҹан Республикасында јәһуди мәншәли вәтәндашлара гаршы террор характерли әмәлијјатын һәјата кечирилмәсинә һазырлыг ишләринин ҝөрүлмәси вә һәрби силаһларын анбар едилмәси илә әлагәдар иттиһамлары әсассыз сајыб.
Комитә үзвләри тәрәфиндән гәбул олунан бәјанатда дејилир: Сифаришли иттиһамларын ирәли сүрүлмәси, әслиндә Азәрбајҹан Республикасынын азлыг тәшкил едән дини-етник групларла бағлы толерант бир өлкә олмадығы мәнасындадыр.
Бәјанатда дејилир: Һиҹабы һимајә мәгсәдилә вә сөз азадлығы чәрчивәсиндә өз фикирләрини бәјан етмәк иттиһамы илә һәбс олунан исламчыларын мәһкәмә ишинин әдаләтли сурәтдә вә гануни формада кечирилмәси ҝөзләнилир.
Сон мәһкәмәдә һаким Һаҹы Мөһсүн Сәмәдовун мәһкәмә иҹласларынын ачыг кечирилмәси вә иҹласларла бағлы видео чәкилиши илә истәјинә мәнфи ҹаваб вериб.
Һаҹы Мөһсүн Сәмәдов бу мәһкәмә иҹласында бу мәһкәмә ишини өзү вә Ислам Партијасынын диҝәр үзвләринин мүһакимәсини формал бир мөвге адландырыб.
Ислам Партијасынын сәдри һәмчинин мәһкәмәнин ачыг кечирилмәси вә онун медиаларда јајылмасыны истәјиб ки, һәгигәт һамыја ашкар олсун. Өтән илин декабрындан Азәрбајҹан Республикасынын орта мәктәбләрдә һиҹаблы шаҝирдләрин ҝиришинә гадаға гојулуб. Бу да өлкә дахилиндән әлавә, хариҹдә дә мүсәлманларын нараһатлығына сәбәб олуб.
Азәрбајҹан Республикасында етиразларын шиддәтләнмәси илә өлкә полиси јанвар ајындан сонра һиҹаб мүдафиәчиләриндән бир чоху, о ҹүмләдән Ислам Партијасынын фәал үзвләриндән бир нечә нәфәрини, Зүлфүгар Микајылзадә, Фәхри Илјасов вә Тале Бағырову әсассыз бәһанәләрлә һәбс етсә дә, һәлә ки, исламчыларын һиҹаба гојулан мәһдудијјәтләрә гаршы мүбаризәләри дајандырылмајыб.
Диггәт: Хәбәрдән истифадә етдикдә мәнбәјә истинад лазымдыр
