Әһли Бејт -АБНА- хәбәр аҝентлијинин вердији хәбәрә әсасән: Дүнән офиси Шәмси Бәдәлбәјли күчәси, 38 үнванында јерләшән Сүлһ вә Демократија Институтунун әмәкдашлары бинанын диварында бурада СДИ, һабелә Гадын Кризис Мәркәзи вә Танк әлејһинә миналарын гадаған едилмәси үзрә Азәрбајҹан Кампанијасынын јерләшдијини әкс етдирән јазылары ики һәфтә ичиндә үчүнҹү дәфә бәрпа едибләр.
Полис дәрһал ҝәләрәк топлашанлары говмаға башлајыб вә гејдләрин јазылмасына мане олмаға чалышыб. Бунунла белә, Гадын Кризис Мәркәзинин рәһбәри Мәтанәт Әзизованын “Туран”а вердији мәлумата ҝөрә, јазылар бәрпа олунуб. Полисләр јазылары позаҹагларыны билдирәрәк чыхыб ҝедибләр. Полис нөвбәти дәфә шәхси мүлкијјәт саһибләринин өз әмлаклары илә истәдикләри кими давранмасына мане олур.
Өзү дә сөһбәт јалныз һәмин үнванда јерләшән рәсми тәшкилатларын адынын јазылмасындан ҝедир. Полис тезликлә бу күчәдәки бүтүн евләрин булдозерлә сөкүләҹәјини вә буна мане олмаг ҹәһдләринин мәнасыз олдуғуну иддиа едир.
Мәтанәт Әзизова гејд едиб ки, евин һәјәтиндән ҝүҹлү газ ији ҝәлир. Онларын Газ Идарәсинә вә ФҺН-ә мүраҹиәтләри һеч бир нәтиҹә вермәјиб. Партлајыш вә јанғын тәһлүкәси вар. Белә бир тәәссүрат јараныр ки, бүтүн бунлар сакинләри зорла сыхышдырыб чыхармаг мәгсәдилә гәсдән едилир. Јери ҝәлмишкән, СДИ-јә һеч бир пул компенсасијасы тәклиф олунмајыб.
Диггәт: Хәбәрдән истифадә етдикдә мәнбәјә истинад лазымдыр
