Әһли Бејт -АБНА- хәбәр аҝентлијинин вердији хәбәрә әсасән: Хариҹи ишләр назири Елмар Мәммәдјаров бу ҝүндән Ҝүрҹүстанда рәсми сәфәрдә олаҹаг.
Елмар Мәммәдјаров Ҝүрҹүстан президенти Михаил Саакашвили, хариҹи ишләр назири Григол Вашадзе, парламентин сәдри Давид Бакрадзе, баш назир Ника Ҝилаури, Аҹарыстан һөкумәтинин сәдри Леван Варшаломидзе вә Марнеули рајонунун азәрбајҹанлы иҹмасынын нүмајәндәләри илә ҝөрүшәҹәк.
Сәфәр заманы Ҝүрҹүстан Мүсәлманлары Идарәсинин јарадылмасына вә она дини рәһбәрләр сечилмәсинә тохунулаҹагмы? “Медиа форум” сајты бу суалы ХИН-ин мәтбуат катиби Елхан Полухова үнванлајыб. Елхан Полухов дејиб ки, бу һагда мәлумата малик дејил: “Буну јалныз сабаһ демәк олар”.
ХИН-ин мөвгејинә ҝәлинҹә, мәтбуат катиби билдириб ки, Дини Гурумларла Иш үзрә Дөвләт Комитәси артыг мәсәләјә мүнасибәт билдириб: “Ҝүрҹүстан сәфирлији дә мөвгејини ачыглајыб. Ҝүрҹүстан тәрәфи бәјан едиб ки, Ҝүрҹүстан Мүсәлманлары Идарәси јалныз гејри-һөкумәт тәшкилатыдыр вә рәсми гурум дејил”.
Јениҹә јарадылмыш Ҝүрҹүстан Мүсәлманлары Идарәси ијунун 12-си Тбилисидә баш мүфти, шејх вә имам сечиб.
Диггәт: Хәбәрдән истифадә етдикдә мәнбәјә истинад лазымдыр
