Әһли Бејт -АБНА- хәбәр аҝентлијинин вердији хәбәрә әсасән: Абшерон рајонунда усталарын пивә мәҹлисиндә ган төкүлдү. Рајон Полис Шөбәсиндән верилән мәлумата ҝөрә, ганлы һадисә ијунун 10-да Масазыр гәсәбәсиндә баш вериб.
Загатала рајон сакини олан 44 јашлы Аслан Дашдәмиров мүнагишә зәмининдә 43 јашлы һәмјерлиси Елдар Мәммәдова бычагла хәсарәт јетириб. Абшерон рајон Полис Шөбәси әмәкдашларынын һәјата кечирдикләри әмәлијјат-ахтарыш тәдбирләри нәтиҹәсиндә А.Дашдәмиров тутулуб.
"Елдарын сөһбәти мәнә ләззәт еләмәди, мән дә вурдум. Нејләјәсијдим ки?" - дејә Аслан илкин диндирмә заманы һадисәнин баш вермәсини белә изаһ едиб.
Иши арашдыран мүстәнтиг Мәһәммәд Тағыјев билдирди ки, һәр ики шәхс Загаталадан Бакыја ишләмәк үчүн ҝәлиб. Онлар ајры-ајры јерләрдә уста ишләсәләр дә, бирликдә кирајә јашајырлар. Ҝеҹә онлар пивә мәҹлиси гурублар. Пивәни ичиб дојандан сонра мүбаһисәләри дүшүб. Аслан столун үстүндәки бычағы ҝөтүрүб Елдара бир бычаг зәрбәси вуруб.
Фактла бағлы ҹинајәт иши башланыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
