Әһли Бејт -АБНА- хәбәр аҝентлијинин вердији хәбәрә әсасән: “Лејләтул-рәғаиб”-лә әлагәдар бәјанат верән Ајәтуллаһ Сафи Ҝүлпајгани бүтүн мүсәлманларын реҝион өлкәләри үчүн дуа етмәсини истәјиб.
Бәјанатда дејилир:
Бисмиллаһир-рәһманир-рәһим
“Рәббиниз бујурду: “Мәнә дуа един, Мән дә сизин дуаларынызы гәбул едим!” (Ғафир, 60)
Һәмишә әсмәкдә олан Аллаһын шәфгәт нәсими бәзи шәрәфли вахтларда өзүнү даһа чох әкс етдирир.
Рәҹәб ајынын биринҹи ҹүмә ҝеҹәси олан “Лејләтул-рәғаиб” белә шәрәфли ҝеҹәләрдән биридир. Дуа әһлинин белә бир ҝеҹәдән даһа чох истифадә етмәси төвсијә едилиб.
Һәдисләрдә гејд едилдији кими, дуа ибадәт вә бәндәлијин әсасыдыр.
Бәндәлијин һәигәти Аллаһы чағырмаг, Аллаһдан истәмәк вә Она еһтијаҹлары сөјләмәкдир.
Үмид едирәм ки, мөминләр бу ҝеҹәдә Аллаһла әһдләрини тәзәләјәҹәк, төвбә едәҹәк, мәсум имамлара (ә), хүсусилә Имам Заман ағаја (ә) тәвәссүл едәрәк бүтүн мүсәлманларын вә иман әһлинин, хүсусилә Јәмән вә Бәһрејн халгынын хиласы үчүн дуа едәҹәкләр вә империалистләрин, онларын реҝионда әлатыларынын хар олмаларыны, һәмчинин вәтәндашларын Али-Сәуд вә Али-Хәлифәнин шәрриндән аманда галмаларыны диләјәҹәкләр.
Һәгигәтән О, дуалары ешидәндир.
1432-ҹи ил 5 рәҹәб
Лүтфүллаһ Сафи
Диггәт: Хәбәрдән истифадә етдикдә мәнбәјә истинад лазымдыр
