Әһли Бејт -АБНА- хәбәр аҝентлијинин вердији хәбәрә әсасән: Әрдәбил имам ҹүмәсинин мәрһум Һаҹы Әликрәм Әлијевин аным мәрасиминдә Гарабағ барәдә индијә гәдәр ачыгланмамыш фактларын бәјанындан бир ај өтмәсинә бахмајараг, һәлә дә бу мөвзу Азәрбајҹан медијасында ҝүндәмдә олан мәсәләләрдәндир. Мөвзу илә әлагәдар “араннеwс.ир” сајты Азәрбјҹан Ислам Партијасынын сабиг сәдри Һаҹыаға Нуријевдән гыса мүсаһибә алмышдыр.
-Ҹәнаб Һаҹыаға Нуријев, билдијиниз кими Әрдәбил имам ҹүмәсинин мәрһум Һаҹы Әликрәм Әлијевин аным мәрасимидәачыглама верди вә Гарабағ мүһарибәси барәдә индијә гәдәр ачыгланмајан мәсәләләри, хүсусилә дә Иранын Азәрбајҹан Республикасына һәртәрәфли јардымларыны ачыглады. Бу бәјанатын Азәрбајҹнда әксүл-әмәли барәдә мәлумат вермәнизи хаһиш едирик.
Бисмиллаһир-рәһманир-рәһим. Әрдәбилин имам ҹүмәси Ајәтуллаһ Амилинин сөһбәтләри Азәрбајҹан халгы үчүн һәмишә үмидвериҹи олмушдур. Онун сон ачыгламасы да индијә гәдәр ҝизли галмыш һәгигәтләр иди. Бу һәгигәтләрин нечә илләр әксинә ҹилвәләндирилмиш вә бунунла да Азәрбајҹанын ҝәнҹ нәслини Ирана гаршы наразы салмышдыр. Лакин бу ачыгламадан вә онун Азәрбајҹан медиасында ҝениш јајымланмасындан сонра чохлу сајда ҹамаат һәгигәти билди вә Гарабағын ишғалынын әсас сәбәбләрини баша дүшдүләр.
-Сон ҝүнләр Азәрбајҹанын бәзи телеканалларынын өз верлишләриндә Ајәтуллаһ Амилинин бәјанатыны инкар етмәсинин шаһиди олуруг. Бу барәдә нә дејә биләрсиниз?
Әввәла, Ајәтуллаһ Амилинин дедикләрини инкар етмәјин фајдасы јохдур. Чүнки бу бир һәгигәтдир. Азәрбајанда Иранда һәрби тәлим ҝөрмүш шәхсләрин сајы о гәдәр чохдур ки, өзү мәсәләни ишыгландырар, амма бундан габаг бәзи сәбәбләрдән бу иши етмәјибләр. Бундан әлавә Иранлылар васитәсилә тәлим ҝөрмүш бир чох шәхсләр вардыр ки, Һејдәр Әлијевин һүзуру илә бәзи парад мәрасимләри кечирмишләр. Бу парадлардан бәзиләриндә иранлы ҝенераллар да иштирак етмишдир вә бу парадларын тәсвири мөвҹуддур. Икинҹиси исә будур ки, Патрламентин сабиг спикери, Худу Худијев вә с. кими танынмыш шәхсләр Иранын өлкәмизә һәрби јардымларыны тәсдиг едирләр. Мисал олараг дејә биләрәм ки, һал-һазырда тәгаүддә олан һәрбчи Худу Худујев Иран гүввәләринин Ағдамын кәндәләрини ермәниләрдән ҝери алараг азад етмәсини, һәмишә Азәрбајҹан гүввәләринә тәлим вермәләрини вә көмәк етмәләрини ашкар дејир.
-Бу ачыглама илә, Гарабағын ишғалы заманы Рәһим Газыјев вә Исҝәндәр Һәмидов кими өлкәниздә мәсулијјәт дашымыш кәсләр Иранын Азәрбајҹана һәртәрәфли јардымыны нә үчүн данырлар?
Елә билирәм ки, онларын бундан башга чарәләри јохдур. Әлбәттә, јахшы олар ки, Гарабағын ишғалы заманы мүдафиә назири вә хариҹи ишләр назири оланлар, бу барәдә һеч данышмасынлар. Чүнки онлар өзләри Гарабағы ермәниләрә верибләр. Иранын Азәрбајҹан гүввәләринә һәрби тәлим вердији заман бу ҹәнаблар рус ҝенераллары илә мүамилә едирдиләр. Һәр бир шәһәр ишғал олдугда онларын севинҹләри артырды вә өзләрини рус ҝенералларынын разылығыны газанмаг олан һәдәфләринә даһа јахын ҝөрүрдүләр. Онлар өзләри Шушаны ермәниләрә тәһвил вердиләр.
-Һал-һазырда Азәрбајҹан дөвләтинин бу мәсәлә барәдә мөвгеји нәдир? Вә сизин нәзәринизҹә буну инкар едәнләр нә мәгсәд ҝүдүрләр?
Дөвләтимизин Гарабағ мүһарибәси барәдә һәгигәтләрин ачыгланмасыны истәмәмәси доғрудур.Чүнки Иранын өлкәмизә јардымлары барәдә нечә илләр сусублар, һәтта онлардан бәзиләрини әкс ҹилвәләндирибләр. Һал-һазырда дөвләт Иранын өлкәмизә һәрби көмәкләрини нә инкар едир, нә дә тәсдиг. Һәгигәтдә заһири сүкут сијасәти тутуб. Мәнә елә ҝәлир ки, бу мөвзуда әли оланлар Исраил вә Америка јолуну тутмуш сатылмыш вә гәрбпәрәст кәсләрдир. Чүнки онлар Азәрбајҹан ҹамаатынын зеһниндә јаранмыш анлашылмазлыглары арадан галдырмаг фикриндә дејилләр вә һәмишә Иранла өлкәмиз арасында кин-күдурәт олмасыны истәјирләр ки, бунунла да өлкәмиздән даһа јахшы истифадә етсинләр вә сәрвәтимизи таласынлар.
-Бизә вахт вердијиниз үчүн сизә тәшәккүр едирик.
Мән дә өз нөвбәмдә Азәрбајҹан вә Иранда үмуми фикирләри ишыгландырмаға чалышдығыныз үчүн сизә тәшәккүр едирәм.
Диггәт: Хәбәрдән истифадә етдикдә мәнбәјә истинад лазымдыр
