Әһли Бејт -АБНА- хәбәр аҝентлијинин вердији хәбәрә әсасән: Бакыда инсан алвери илә мәшғул олан гадын тутулуб. Бакы Шәһәр Баш Полис Идарәсиндән верилән мәлумата ҝөрә, тутулан 41 јашлы Төһфә Ҹәфәрова Ҹинајәт Мәҹәлләсинин ики вә ја даһа артыг шәхсин инсан алвери (144-1,144-2.1-ҹи) маддәлләри илә ахтарышда олуб.
Низами рајон Полис Идарәсинин 25-ҹи полис бөлмәси әмәкдашлары Төһфә Ҹәфәрованы мајын 23-дә тутуб.
Бөлмәдән билдирилди ки, 2007-ҹи илдә Т.Ҹәфәрова Масаллы рајонундан олан Шәһла адлы гадыны Түркијәјә апарыб ҹинси истисмара мәруз гојуб. О, ҹиркин нијјәтини рәфигәси олан Назилә адлы гадынла һәјата кечириб. Һәмин вахт Назилә һәбс едиләрәк мәһкум олунуб. Һәтта Назилә бир нечә ҝүн әввәл һәбсдән чыхса да, Т.Ҹәфәрова истинтагдан јајынараг ҝизләниб. Бөлмә әмәкдашлары ону Ҝәнҹә шәһәриндә һәбс едәрәк Бакыја ҝәтирибләр.
Фактла бағлы арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
