Әһли Бејт -АБНА- хәбәр аҝентлијинин вердији хәбәрә әсасән: Ҝүрҹүстан президенти Михаил Саакашвили үчүнҹү мүддәтә президент сечилмәк нијјәтиндә дејил.
Саакашвили Украјна телеканалына мүсаһибәсиндә үчүнҹү мүддәтә сечилмәјин конститусијаја ҝөрә мүмкүн олмадығыны вурғулајыб.
“Путин кими баш назир олмаг фикриндә олуб-олмадығы” һагда суала исә Саакашвили белә ҹаваб вериб: “Мән бир чох сәбәбдән Путин кими ола билмәрәм, бизим өлкәмиз вә вәзијјәтимиз башга ҹүрдүр”.
Саакашвили әтрафында президент сечкиси мәсәләсинин мүзакирә олунмадығыны вурғулајыб: “Дәгиг билирик - бизим үчүн үч-дөрд илдән сонра јох, алты ајдан, бир илдән, ики илдән сонра нә баш верәҹәји ваҹибдир”.
Ҝүрҹүстан Конститусијасына ҝөрә, ејни вәтәндаш президент постуну јалныз ики мүддәтә тута биләр. Саакашвили ики дәфә - 2004 вә 2008-ҹи илләрдә президент сечилиб. Онун 5 иллик сәлаһијјәт мүддәти 2013-ҹү илин јанварында баша чатыр.
Диггәт: Хәбәрдән истифадә етдикдә мәнбәјә истинад лазымдыр
