Әһли Бејт -АБНА- хәбәр аҝентлијинин вердији хәбәрә әсасән: Пакистанда ишғалчы НАТО автомобилләринә едилмиш ики һүҹуму нәтиҹәсиндә 10 автосистерн јандырылыб, ән азы 16 нәфәр һәлак олуб.
Ишғалчы НАТО-ја биринҹи мүгавимәт Пакистанын шималындакы Ландикотол ашырымында баш вериб. Әфганыстандакы ишғалчы НАТО гүввәләринә јанаҹаг апаран автосистернләрдән бириндә мәсафәдән идарә олунан партлајыҹы гурғу ишә салыныб. Ҝүҹлү партлајыш нәтиҹәсиндә 6 нәфәр һәлак олуб, даһа 10 нәфәр исә алдығы хәсарәт вә јаныглардан чатдырылдығы хәстәханада өлүб.
Бундан бир нечә дәгигә сонра исә Торхам сәрһәд посту јахынлығында јолун кәнарында дајанмыш даһа бир автосистерн партладылыб. Бу партлајыш нәтиҹәсиндә хәсарәтә алан олмаса да, баш вермиш јанғын даһа 3 автосистерни мәһв едиб.
Диггәт: Хәбәрдән истифадә етдикдә мәнбәјә истинад лазымдыр
