Әһли Бејт - АБНА - хәбәр аҝентлијинин вердији хәбәрә әсасән: Мајын 6-да бир груп диндарын Тәһсил Назирлијинин гаршысында аксија кечирмәк ҹәһди илә бағлы сахланыланлардан 25 нәфәринин иши мәһкәмәләрә ҝөндәрилиб. Бу барәдә Дахили Ишләр Назирлијиндән мәлумат верилиб.
Мәлуматда билдирилир ки, мајын 6-да Тәһсил Назирлијинин гаршысында динҹ аксија кечирмәјә ҹәһд едән вәтәндашларын бир гисми сахланылыб. Онлардан 20 нәфәринә хәбәрдарлыг едилдикдән сонра сәрбәст бурахылыб, 25 нәфәри барәсиндә исә топланмыш материаллар бахылмасы үчүн аидијјәти үзрә рајон мәһкәмәләринә ҝөндәрилиб.
Гејд едәк ки, мајын 6-да саат 11 радәләриндә тәхминән 1000 нәфәр јахын диндар Тәһсил Назирлијинин гаршысында аксија кечиртмишләр. Лакин Азәрбајҹан полисләринин нөвбәти вәһшилијинә мәруз галараг, полисләр тәрәфиндә ачыг ашкарҹасына шәрләнәрәк, ҝүја Иҹтимаи гајданын позулмасына јөнәлән һәрәкәтләрин дајандырылмасы барәдә полис тәрәфиндән хәбәрдарлыг олунмасына бахмајараг, иҹтимаи тәһлүкәсизлик әлејһинә олан ҹинајәт әмәлләри төрәдибләр.
Ҝүја онларын ҹәмијјәтә ачыг һөрмәтсизлик ифадә едән, һабелә өзҝәнин әмлакынын мәһв едилмәси илә мүшајиәт олунан агрессив вә гәрәзли һәрәкәтләри нәтиҹәсиндә нәглијјатын интенсив һәрәкәти тәхминән 15 дәгигә әрзиндә позулуб, вәтәндашлара мәхсус 4 автомобилә вә јахынлыгда јерләшән бир нечә иҹтимаи-иашә вә тиҹарәт објектләринә зијан вурулуб.
Дырнагарасы хидмәти вәзифәләрини јеринә јетирән асајиш кешикчиләринин ганунсузлуглара сон гојмалары барәдә тәкрар хәбәрдарлыг вә тәләбләринә мәһәл гојмајан аксија иштиракчылары иҹтимаи гајданын позулмасынын гаршысыны алан полис әмәкдашларына гаршы зор тәтбиг етмәклә мүгавимәт ҝөстәриб, нәтиҹәдә 26 әмәкдаша мүхтәлиф дәрәҹәли бәдән хәсарәти јетирилиб, онлардан 5-и һоспитала јерләшдирилиб.
Ҝөрүлмүш гәтијјәтли вәһши тәдбирләрлә азад вәтәндашларын сүлһјонүмлү аксијаларынын гаршысы алыныб.
Ујдурма фактла бағлы Бакы Шәһәр Прокурорлуғу тәрәфиндән Ҹинајәт Мәҹәлләсинин 221.2.1 (бир груп шәхс тәрәфиндән хулиганлыг) вә 221.2.2-ҹи (иҹтимаи гајданын позулмасынын гаршысыны алан һакимијјәт нүмајәндәсинә мүгавимәт ҝөстәрмә) маддәләри илә ҹинајәт иши башланыб вә истинтагын апарылмасы Бакы Шәһәр Баш Полис Идарәсинин Истинтаг идарәсинә һәвалә олунуб.
Диггәт: Хәбәрдән истифадә етдикдә мәнбәјә истинад лазымдыр
