Әһли Бејт - АБНА - хәбәр аҝентлијинин вердији хәбәрә әсасән: Ислам дүнјасынын танынмыш алими Ајәтуллаһ Мәкарим Ширази Әрәбистан мүфтиләри сәдринә ачыг мәктуб јазыб.
"Сһиа-онлине"сајты бу барәдә јазыр ки, мәктубда дејилир: “Сиз сон чыхышынызда Әһли-бејтин (ә) әзәмәтинә јарашмајан чох кобуд, тәһгиредиҹи чыхыш едәрәк дүнја шиәләрни “Сәфәви мәҹуслары” , мүсәлманларын дүшмәнләри адландырмыш вә мүсәлманлары онларла әлагәләрини кәсмәјә чағырмысыныз.
Илк дәфә дејил ки, вәһһаби алимләри ихтилафлары гызышдыран, дүшмәнләри руһландыран налајиг сөзләр , ифтира, бөһтан дејирләр.
Сизин ән сон пис әмәлиниз исә Имам Замана сајғысызлыг, шиәләри инанҹларына ҝөрә тәһгир етмәјиниздир. Бу, ону ҝөстәрир ки, вәһһаби алимләри мәнтиги мүзакирәләрдән гачараг даима ифтиралара әл атырлар.”
Мәктубда гејд едилир: “Бир нечә мәгамы диггәтинизә чатдырырам:
1. Чох гәрибәдир, бөјүк бир вәзифә саһиби олманыза бахмајараг, Гуранын дини дәвәтлә бағлы ҝөстәришләрини - әхлаглы олмағы, “ҝөзәл моизә”јә әсасланмағы унудараг Исламын рәдд етдији тәһгир, төһмәт вә јалана әл атырсыныз.
2. Тәәссүфләр олсун ки, сиз Ислам тарихини, сизә аид олан һәдис китабларынызы јетәринҹә билмирсиниз. Имам Әлинин (ә) ардыҹылларына Шиә ады Аллаһын рәсулу (с) тәрәфиндән верилиб вә елә о замандан бу ад јајылыб. Јахшы оларды ки, тарихи бир даһа охујасыныз. Сәфәвиләрдән јүз илләр өнҹә Имам Әли (ә) шиәләри Мәккә, Мәдинә, Ираг, Шам, Мсиир, Иран вә с. јерләрдә јашајыб вә һәтта һакимијјәтдә олублар.
3. Сиз- вәһһабиләрин бөјүк мүфтиси унутмусунуз ки, әҝәр Иран вә Ливан шиәләри олмасајды АБШ вә Исраил Орта Шәргин бүтүн әразиләрини ишғал едәҹәкди. Белә олан тәгдирдә мәлум дејил сизин мүфтиләр нә едәрдиләр, һарда оалрдылар?!
4. Исраил әксәријјәти әһли-сүннә олан Гәззә мүсәлманалрыны гәтлиам едәркән Иран вә с. өлкә шиәләри һамыдан даһа чох онлары дәстәкләдиләр. Әҝәр бу дәстәкләр олмасајды Исраил ҹинајәтләрини давам етдирәрди.
5. Јахшы оларды ки, вәһһаби алимләри Ислам елмләринин әсасынын гојулмасынын тарихини мүталиә етсинләр. Бу заман ҝөрәҹкләр ки, мәлум елмләрин әксәријјәтинин баниси Әһли-бејт (ә) шиәләридир. Онларын елми әсрләри о вахтдан индијә гәдәр сизин китабханаларыныздан башга, дүнјанын мөтбәр китабханаларында мөвҹуддур.
6. Буну унутмајын ки, бу әсассыз итуһамлар, төһмәтләр, шиәләрин тәквир едилмәси Исламын бөјүк дүшмәнләринә, хүсусилә АБШ вә Исраилә бөјүк хидмәтдир. Она ҝөрә ки, сизин аддымларынызын нәтиҹәси олараг дүнја шиәләри сизә нифрәт едәҹәкләр. Бу да мәзһәбләрарасы ихтилаф вә тәфригәләрә сәбәб олур. Дүшмәнләрин истәји дә будур. Бу васитә илә онлар реҝионун зәнҝин сәрвәтләрини гарәт етмәк истәјирләр.
7. Сиз унутмамалысыныз ки,вәһһаби алимләри тәрәфиндән дәфәләрлә шиәләрин тәкфир едилмәси һокум верилиб. Амма бу көһнә вә вахты өтмүш һүҹум зәррә гәдәр дә онлары зәифләтмәјиб. Әксинә ҝүнү-ҝүндән дүнјада инкишаф едибләр. ”
Мәктубун сонунда дејилир: “Дәфәләрлә демишик ки, әҝәр бир топланты кечирилсә, биз сизин китаблрыныза әсасән шүбһәләринәзә ҹаваб верәҹәјик. Белә олан һалда Ислам ҹәмијјәтинин вәһдәтинә бундан артыг хәләл ҝәлмәз.
Ҝәлин мәнтигә ҝүвәнәрәк төһмәт, ифтира, тәкфири канара гојараг бир-биримизә достлуг әлини узадаг вә Ислам дүнјасынын инкишафына көмәке дәҹк.”
Диггәт: Хәбәрдән истифадә етдикдә мәнбәјә истинад лазымдыр
