Әһли Бејт -АБНА- хәбәр аҝентлијинин вердији хәбәрә әсасән: Иранын Ислами Әлагәләр вә Мәдәнијјәт Тәшкилатынын (ИӘМТ) аилә вә гадын үзрә идарәсинин тәшәббүсү илә апрелин 30-да Теһранда “Дин, инсан һаглары вә гадын” мөвзусунда бејнәлхалг конфранс кечириләҹәк.
Конфрансда дүнјанын мүхтәлиф өлкәләриндән гејри-һөкумәт тәшкилатларын нүмајәндәләри иштирак едәҹәк. Онлар мүсәлман өлкәләриндә Ислами ојаныш һәрәкатында иштирак едән гадынлар илә һәмрәјлик нүмајиш етдирмәк үчүн бу конфранса гатылаҹаглар.
Конфранс јерли вахтла саат 14:00-да ИӘМТ-нин офисиндә кечириләҹәк. Конфрансда Әлҹәзаир, Ливан, Тунис, Судан , Ираг, Сурија , АБШ, Јапонија, Бәһрејн вә Арҝентинадан гејри-һөкумәт тәшкилатларынын нүмајәндәләри вә Ирандан 50 гејри – һөкумәт тәшкилатынын нүмајәндәләри, дини азлыгларын гадын нүмајәндәләри иштирак едәҹәкләр.
Конфрансда һәмчинин Иран Парламентинин инсан һаглары комитәсинин сәдри Зөһрә Илаһијан, ИӘМТ-нин директору вә бәзи диҝәр рәсмиләр, университет мүәллимләри вә експертләр иштирак едәҹәкләр.
Гејд едәк ки, конфрансын сонунда мүсәлман өлкәләриндә баш верән ислами ојаныш һәрәкатына дәстәк әламәти олараг гејри-һөкумәт тәшкилатларынын бирҝә бәјәннамәси гәбул олунаҹаг.
Диггәт: Хәбәрдән истифадә етдикдә мәнбәјә истинад лазымдыр
