Әһли Бејт -АБНА- хәбәр аҝентлијинин вердији хәбәрә әсасән: Масаллы рајон иҹра һакимијјәтинин тәсис етдији Јени һәјат гәзетинин баш редактору Әјјуб Меһдијев Һаҹы Фәрамиз Аббасовун аиләсиндән үзр истәди.
Белә ки,Масаллы рајон иҹра һакимијјәтинин тәсис етдији Јени һәјат гәзетинин 02 феврал 2011 тарихиндә дәрҹ етдији “Хәјанәти писләјирик” адлы мәгаләдә Һаҹы Фәрамиз Аббасовун вәтәнә хәјанәт,шәрәф вә ләјагәтинә тохунан ифадәләр јер алдығына ҝөрә Һаҹы Фәрамиз Аббасовун вәкили Мәзаһир Шаһмаров Јени һәјат гәзетини мәһкәмәјә вермишди.
Дүнән 22.04.2011 тарихиндә саат 11:30-да Масаллы рајон мәһкәмәсиндә,Немәт Мусајевин сәдрлији илә кечирилән мәһкәмәјә Јени һәјат гәзетинин баш редактору Әјјуб Меһдијев,Хыл кәнд сакини шәһид атасы Ејнулла Ејнуллајев,Хыл кәнд орта мәктәбинин директору Шәмсијјә Мәммәдова(О,мәһкәмәдә иштирак етмәмишдир) вә Хыл кәнд бәләдијјәсинин сәдри Вәлиәһд Фәрзәлијев мәһкәмәјә чағырылмышлар.
Мәһкәмәдә сөз алан вәкил Мәзаһир Шаһмаров илк олараг Һаҹы Фәрамиз Аббасовун хаһишини һаким Немәт Мусајевә чатдырды.Һаҹы Фәрамиз Аббасов һакимдән Масаллы рајон иҹра һакимијјәтинин вә кәнд сакинләринин ҝүнаһы сүбут олунарса онлара даһа јүнҝүл ҹәза верилмәсини истәмишдир.О,мәһбәс һәјатыны она гаршы тәхрибатын башында дуранлара белә арзуламадығины билдирмишдир.
Мәһкәмәнин ҝедишиндән мәлум олду ки,Јени һәјат гәзетинин баш редактору Әјјуб Меһдијев мәгаләни өзү јазмыш, Хыл кәнд бәләдијјәсинин сәдри Вәлиәһд Фәрзәлијев имзаламыш,кәнд сакинләри шәһид атасы Ејнулла Ејнуллајев вә Хыл кәнд орта мәктәбинин директору Шәмсијјә Мәммәдованын бу мәгаләдән хәбәри олмамышдыр.
Ијирмијә јахын Масаллы рајону вә Хыл кәнд сакинләринин иштирак етдији мәһкәмә просесиндә һаким Немәт Мусајев рајон ҹамаатына әсл дәрс кечәрәк бујурду:Әслән Масаллыдан олмајан Рајон иҹра һакими Гәзәнфәр Ағајев вә башга јүксәк вәзифәли дөвләт мәмурлары бу ҝүн-сабаһ Масаллыдан ҝедәҹәк,Сејјид Фәрамиз ҝеҹ-тез кәндә гајыдаҹаг.Сизләр(үзүнү Јени һәјат гәзетинин баш редактору Әјјуб Меһдијев вә Хыл кәнд бәләдијјәсинин сәдри Вәлиәһд Фәрзәлијевә тутараг) Һаҹы Фәрамизин үзүнә неҹә бахаҹагсыныз.
Сонда вәкил Мәзаһир Шаһмаровун суаллары гаршысында аҹиз дурума дүшән вә рајон иҹра һакими Гәзәнфәр Ағајевин һавасыны чалдығы мәлум олан баш редактору Әјјуб Меһдијев Һаҹы Фәрамиз Аббасовун аиләсиндән үзр истәди.
Диггәт: Хәбәрдән истифадә етдикдә мәнбәјә истинад лазымдыр
