Әһли Бејт -АБНА- хәбәр аҝентлијинин вердији хәбәрә әсасән: Истибдадчы АБШ-ын Азәрбајҹандакы сәфири Метју Брајзанын Нахчыван Мухтар Республикасына ики ҝүнлүк сәфәри бу ҝүн баша чатыб. Сәфирлијин мәтбуат хидмәтиндән верилән мәлумата ҝөрә, сәфәр чәрчивәсиндә сәфир рәсмиләрлә вә вәтәндаш ҹәмијјәти нүмајәндәләри илә ҝөрүшүб, һәмчинин АБШ-ын Енерҝетика Департаменти тәрәфиндән малијјәләшән лајиһәнин әһатә етдији сәрһәд кечид мәнтәгәсиндә инкишафы нәзәрдән кечирмәк үчүн Сәдәрәкә ҝедиб.
Метју Брајзан чыхышында сәрһәд тәһлүкәсизлијиндә нәдән мараглы олдуғуну билдирмәјәрәк вә Шуша, Ағдамда Азәрбајҹан мәсҹидләринин һансы һәддә горунмасына ишарә етмәјәрәк билдирмишдир: “Нахчыван мүасир Азәрбајҹанда чох мүһүм рол ојнајыр. Али Мәҹлисин сәдри Талыбов, Нахчыван Дөвләт Университетинин ректору Һәбиббәјли вә вәтәндаш ҹәмијјәтинин нүмајәндәләри илә фикир мүбадиләси апармаг, о ҹүмләдән Мухтар Республиканын гәдим тарихи барәдә даһа дәрин биликләр әлдә етмәк чох фајдалы олду. Биз нахчыванлыларла, археолоҝија да дахил олмагла бир сыра мәсәләләр, сәрһәд тәһлүкәсизлији, демократијанын ҝүҹләндирилмәси вә тәһсиллә бағлы лајиһәләрдә әмәкдашлыг едирик вә бу әмәкдашлығы ҝенишләндирмәји дүшүнүрүк... Мән, Тбилисидә ермәни килсәләри, һәмчинин Шуша вә Ағдамда Азәрбајҹан мәсҹидләринин горунмасында фәал иштирак етмишәм. Бу мәдәни вә дини абидәләрин горунмасы бөјүк бәшәри әһәмијјәт дашыјыр, бу исә өз нөвбәсиндә бүтүн сијаси, мәдәни вә дини фәргләрин фөвгүндәдир”.
Мәлуматда билдирилиб ки, бу, Брајзанын сәфир кими Бакыдан кәнара илк рәсми сәфәридир.
Диггәт: Хәбәрдән истифадә етдикдә мәнбәјә истинад лазымдыр
