Әһли Бејт -АБНА- хәбәр аҝентлијинин вердији хәбәрә әсасән: Ҝәнҹәдә һәбс олунмуш руһаниләрә гаршы ганунсузлуглар давам едир. Руһаниләрин вәкили Елчин Намазов ФактХебер.ҹом-а ачыгламасында билдириб ки, Ҝәнҹәдә баш верәнләр һәјасызлыг мәрһәләсинә гәдәм гојуб. "Фәхри Илјасов вә Азәр Ҹәбијевин барәсиндә сечилмиш һәбсин дејишдирилмәси барәдә вердијим вәсатәт мәһкәмә тәрәфиндән кобуд ганунсузлуға јол вериләрәк ҝери гајтарылыб. Мәһкәмә чыхардығы гәрарда ҝөстәриб ки, вәкиллик сәлаһијјәтими тәсдигләјән сәнәдләр әлавә едилмәдијинә ҝөрә вәсатәтим бахылмадан ҝери гајтарылыр"-дејә вәкил Елчин Намазов билдириб.
Руһаниләрин вәкили һәмчинин билдириб ки, просессуал ганунвериҹиликдә һәбсин дәјишдирилмәси барәдә вәсатәтә вәкиллик сәлаһијјәтини тәсдигләјән һәр һансы сәнәдин әлавә едилмәси зәрурәти ҝөстәрилмәјиб: "Ганунда гејд олунур ки, мәһкәмә бу кими вәсатәтләрә бахаркән ҹинајәт ишинин материалларыны нәзәрдән кечирәрәк гәрар гебул едир. Вәкил сәлаһијјәтләрини тәсдигләјән сәнәд исә јалныз бир дәфә, истинтаг апаран органа тәгдим олунур. Мәһкәмә вәкилин сәлаһијјәтли олуб-олмадығыны да ҹинајәт ишинин материалларына бахараг мүәјјән едир".
Вәкил бундан әлавә билдириб ки, бу барәдә Али Мәһкәмәнин һәбс гәти-имкан тәдбиринин сечилмәси барәдә төвсијјәләриндә дә гејд олунуб. Е.Намазов һәмчинин гејд едиб ки, мәһкәмәнин гәрарындан шикајәт вермәклә јанашы вахт амили нәзәрә алынараг, һәбсин дәјишдирилмәси барәдә тәкрар вәсатәт вермишдир: "Проблемин сифраришлә јарадылдығыны билдијимиздән гәрарда ҝөстәрилән тәләбләри там јеринә јетириб һәбсин дәјишдирилмәси барәдә тәкрар мүраҹиәт етмишәм. Үмид едирик ки, мәһкәмә нөвбәти дәфә ганунсуз аддым атмагдан чәкинәрәк, һәбсин дәјишдирилмәсинә гәрар верәҹәк".
Е.Намазов даһа сонра билдириб ки, һүгугларыны мүдафиә етдији Азәр Ҹәбијевлә бағлы үмумијјәтлә ләјагәтсиз јол тутулмушдур: "26 јанвар 2011-ҹи ил тарихдә А.Ҹәбијевлә Кәпәз Пајон Полис Шөбәсинин Мүвәггәти Сахлама Мәнтәгәсиндә ҝөрүшдүм. Мән мәнтәгәни тәрк етдикдән сонра мәнтәгәнин рәиси Низами Меһдијев гәсдән мүбаһисә јаратмыш, А.Ҹәбијевә гаршы ләјагәтсиз сөзләр ишләтмиш, һеч бир зәрурәт олмадығы һалда Һејдәр вә Илһам Әлијевләр барәдә јалтагҹасына сөзләр дејәрәк, А.Ҹәбијеви һәдәләмишдир. Бунунла да сакитләшмәјәрәк, А.Ҹәбијеви карсерә салараг, ону 1 саата јахын ҹәза камерасында сахламышдыр. Һазырда тәрәфимдән бу ганунсузлуға ҝөрә Н.Меһдијевин ҹәзаландырылмасы барәдә дә мәһкәмәјә мүраҹиәт етмишәм". Е.Намазов гејд етмишдир ки, мәнтәгәнин отагларында камераларын олмасындан јарарланыб, өзбашыналығы сүбут етмәк вә мәнтәгә рәисинин ҹәзаландырылмасыны тәмин етмәк нијјәтиндәдир.
Диггәт: Хәбәрдән истифадә етдикдә мәбәјә истинад лазымдыр
