Әһли Бејт -АБНА- хәбәр аҝентлијинин вердији хәбәрә әсасән: Мүвәггәти Тунис һөкумәти Белһассен Трабелсинин һәбси һагда чәршәнбә ҝүнү ордер чыхарыб. Һөкумәт һәмчинин Бен Әли вә онун аилә үзвләри һагда һәбс ордерләри чыхарыб. Трабелси Тунис һөкумәтиндән пул оғурламагда ҝүнаһландырылыр. О, јанварын 20-дә аиләси илә бәрабәр Монреала ҝәлиб.
Бен Әлини һакимијјәтдән девирән нүмајишчиләр Тунис рәһбәринин аилә үзвләринә гаршы гәзәблидирләр. Онлар президент өлкәдән гачдыгдан аз сонра Трабелсинин дәбдәбәли вилласыны гарәт едәрәк јандырдылар. Тунислиләр Бен Әлинин гоһумларыны “Аилә” јахуд “Мафија” адландырырлар. Трабелси аилә мафијасынын башчысы һесаб олунурду.
Диггәт: Хәбәрдән истифадә етдикдә мәнбәјә истинад лазымдыр
