Әһли Бејт -АБНА- хәбәр аҝентлијинин вердији хәбәрә әсасән: Бу ҝүн ҝүнорта саатларында АИП-ин Масаллы рајон комитәсинин сәдри Елнур Худавердијев дә полис тәрәфиндән сахланылыб. Евинә тәшкил олунан әмәлијјат заманы сахланылан комитә сәдринин һараја апарылдығы мәлум дејил. Јахынларын редаксијамыза вердији мәлумата ҝөрә, ону ҝүнорта саатларында Масаллы рајон полис идарәсинин әмәкдашлары евдән апарыблар.
Гејд едәк ки, бу ҝүн Масаллы шәһәринин Хил кәндин руһаниси Аббасов һаҹы Фәрамәрзи дә сахланылыб. Апарылан ахтарыш заманы онун да евиндән силаһ-сурсат тапылыб. Артыг Масаллыда ики диндарын һәбс олунмасына етираз әламәти олараг аксија да кечирилиб. Кәнд сакинләри бу һәбси сон ҝүнләр Ислам Партијасы фәалларынын һәбсинин давамы кими дәјәрләндирибләр. Сајлары 100-ә гәдәр олан сакин дин хадиминин һәбсдән азад едилмәси тәләбилә рајон поилис шөбәсинин гаршысында аксија кечириб.
Диггәт: Хәбәрдән истифадә етдикдә мәнбәјә истинад лазымдыр
