Әһли Бејт -АБНА- хәбәр аҝентлијинин вердији хәбәрә әсасән: Ливанын мүвәггәти баш назири Сәәд Һәрири вар ҝүҹү илә јени кабинетин гурулмасында әмәкдашлыг едәҹәјинә сөз вериб.
О, өлкә башчысы Мишел Сүлејман илә ҝөрүшдә билдириб ки, диалог Ливанын сијаси бөһрандан хилас олмасы үчүн јеҝанә јолдур.
Һәриринин сөзләринә ҝөрә, Ливан дөвләти сијаси бөһраны архада гојмаг үчүн милли бирлијә үстүнлүк верәҹәк.
О сонра мүхбирләр гаршысында чыхыш едәрәк дејиб ки, һакимијјәтдә галмаг вә халгын ирадәсинә тәслим олмаг арасында икинҹисини сечәҹәкдир.
Ливанда мүхалифәт партијалары билдирирләр ки, әҝәр мүвәггәти баш назир Һәрири мәһкәмәсинә јох дејәрсә, онун јенидән баш назир постуну тутмасыны дәстәкләјәҹәкләр.
Һәмин партијалар екс баш назиринин террору илә бағлы бејнәлхалг мәһкәмәни Ливан конститусијасыны поздуғуна ҝөрә писләјир.
Өтән чәршәнбә Ливан һөкумәтинин 11 үзвү истефаја чыхандан сонра Сәд Һәриринин башчылыг етдији кабинет сүгут етди.
Назирләр Сәд Һәриринин һөкумәти екс баш назирин һәјатына гаршы суи-гәсди арашдыран мәһкәмәнин иши барәдә мүшавирәјә чағырмамагда вә АБШ-ын истәкләринә ујмаға иттиһам едирләр.
Ливан президенти Мишел Сүлјеман сон гәрар илә һөкумәти бурахараг јени һөкумәт гурулана гәдәр онун өз ишини давам етдирмәсини хаһиш едиб.
Президент Сүлејман һәмчинин јени баш назирин тәјинаты илә бағлы парламентдәки фраксијаларла мәсләһәтләшмәјә башлајыб.
Диггәт: Хәбәрдән истифадә етдикдә мәнбәјә истинад лазымдыр
