“Һаҹы Мөвсүм Сәмәдов өлкәдән чыхарылыб. Диндарлар арасында ҝәзән сөз-сөһбәтә ҝөрә онун өлдүрүлдүјү дә билдирилир” бу хәбәрин нә гәдәр реал олдуғуну өјрәнмәк үчүн илк нөвбәдә һәбсдә олан партија сәдринин јахынлары вә полисдән мәлумат алмаг гәрарына ҝәлиниб. Мәсәләнин ән мараглы тәрәфи исә бу иди ки, Мөвсүм Сәмәдовун аиләси вә она јахын олан мәнбәләр Мөвсүм бәјин һарада олмасы барәдә һеч бир мәлуматын олмадығыны билдирибләр. “Иш о јерә чатыб ки, Һаҹыны хәстәханаларда белә ахтармаг мәҹбуријјәтиндә галмышыг”-дејән јахынлары бу мәсәләдә онлара һеч кәсин һеч бир мәлумат вермәдијини билдирдиләр.
Һазырда ҹәмијјәтдә јајылан бу хәбәрин дезинформасија олдуғуну сүбут етмәк үчүн рәсмиләр ҝәрәк Мөвсүм Сәмәдовун Азәрбајҹанда олмасы вә ән нәһајәт сағ олмасы фактыны тәстигләјәҹәк хәбәрләр версинләр. Әкс һалда өлкә һакимијјәтини сәрт тәнгидинә ҝөрә өлдүрүлмәси илә бағлы хәбәрләр тезликлә ҝүндәми мәшғул едәҹәк.
Гејд едәк ки, дүнән Дахили Ишләр Назирлјинин мәтбуат хидмәтинин рәис мүавини Еһсан Заһидов мәтбуата вердији мүсаһибәсиндә билдириб ки, “Рәсми ики хәбәр верилиб. Мәлумат әтрафлыдыр вә онлардан бириндә партија сәдри Мөвсүм Сәмәдовун өзүнүн һәбси илә бағлыдыр, диҝәри исә онун Губадакы әмиси оғлунун дүканында апарылан ахтарышын нәтиҹәләри, Мөвсүмүн атасы Мәрдан Сәмәдовун, еләҹә дә әмиси оғлу Дәјанәт Сәмәдовун сахланмасы һаггындадыр”.
ДИН сөзчүсү Мөвсүм Сәмәдовун һарада сахланмасы вә она Ҹинајәт Мәҹәлләсинин һансы маддәси илә иттиһам галдырылмасы һагда мәлумат вермәјиб: “Мөвсүм Сәмәдовун һарада сахланмасы о гәдәр дә әһәмијјәт кәсб етмир. Ҹинајәт иши галдырылыб вә һазырда истинтаг ҝедир”.
Диггәт: Хәбәрдән истифадә етдикдә мәнбәјә истинад лазымдыр.
