Әһли-Бејт хәбәр аҝентликинин вердији хәбәрә әсасән: Бу ҝүн Мүсават Партијасы Диванынын нөвбәти топлантысы кечирилиб. Ҝүндәликдә гәрарларын иҹрасы, ҝөрүлән ишләр, партијадахили вә иҹтимаи-сијаси вәзијјәт даир мәсәләләрә бахылыб. Ҝүндәлијин партијадахили мәсәлә бөлүмүндә әсас мүзакирә Мүсават Партијасынын 100 иллији илә бағлы олуб. Гејд едилиб ки, бу мәгсәдлә јарадылмыш ҝениш тәркибли тәшкилат комитәсинин һазырладығы јубилеј тәдбирләринин һәјата кечирилмәси јөнүндә тезликлә конкрет аддымлар атылаҹаг.
Партијанын гурултајына һазырлыгла бағлы да мәсәлә мүзакирә едилиб. Бу һәфтә әрзиндә гурултаја һазырлыг үзрә тәшкилат комитәсинин топлантысы кечириләҹәк, һәмин топлантыда иш бөлҝүсү апарылаҹаг вә гурултаја һазырлыг чәрчивәсиндә ҝөрүләси ишләр мүәјјәнләшдириләҹәк.
Иҹтимаи-сијаси вәзијјәтә даир бөлүмдә башган Иса Гәмбәр Иҹтимаи Палатанын Координасија Шурасынын илк топлантысы һаггында мәлумат вериб.
Азәрбајҹан Ислам Партијасынын (АИП) сәдри Мөвсүм Сәмәдов вә Азәрбајҹан Милли Дөвләтчилик Партијасынын (АМДП) сәдри Немәт Пәнаһлынын һәбс олунмалары һагда да мүзакирәләр апарылыб. Диван һесаб едиб ки, онларын һәбс олунмаларынын елан олунмуш рәсми иттиһамла әлагәси инандырыҹы дејил. Һәмин шәхсләр сон заманлар мәтбуатда вә бир сыра тәдбирләрдә игтидар әлејһинә сөјләдикләри кәскин тәнгидләрә ҝөрә һәбс едилибләр. Мүсават Партијасы һакимијјәтдән тәнгидләрә дөзүмлү јанашылмасын, репрессијалара сон гојулмасыны вә һәбс олунанларын дәрһал азад едилмәсини тәләб едиб.
Диван Теһран-Урмија рејсини һәјата кечирән “Боеинҝ-727” тәјјарәсинин Ҹәнуби Азәрбајҹанын Урмија шәһәриндә гәзаја уғрамасы нәтиҹәсиндә һәлак оланларын аилә үзвләринә, јахынларына башсағлығы вериб вә јаралылара шәфа диләјиб.
Сонда ҹари мәсәләләрә бахылыб.
Диггәт: Хәбәрдән истифадә етдикдә мәнбәјә истинсд лазымдыр
