Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан президенти Илһам Әлијев Игтисади Әмәкдашлыг Тәшкилатынын Истанбулда кечирилмиш ХЫ Саммитиндәки чыхышында дејиб: “Бүтүн бу уғурлу игтисади вә инфраструктур лајиһәләринин иҹрасы илә бәрабәр, бөлҝәдә сабитлик, сүлһ, тәһлүкәсизлик тәмин олунмалыдыр. Әфсуслар олсун ки, бизим өлкәләримиздә мөвҹуд олан, һәллини ҝөзләјән мүнагишәләр, проблемләр, тәһдидләр истәдијимизә там шәкилдә наил олмаға имкан вермир”.
Илһам Әкијев билдириб: Һәр бир өлкәнин уғурлу сијаси вә игтисади инкишафынын сабитлик шәраитиндә мүмкүнлүјүнү гејд едән дөвләт башчысы Азәрбајҹанда сијаси сабитлијин артыг чохдандыр, бәргәрар олундуғуну билдириб: “Анҹаг һәлл олунмамыш мүнагишәләр, Азәрбајҹан торпагларынын 20 фаизинин һәлә дә Ермәнистанын ишғалы алтында галмасы чох бөјүк реҝионал тәһлүкә мәнбәјидир. Азәрбајҹанлылара гаршы Азәрбајҹанын әзәли торпағы олан Гарабағда вә әтраф бөлҝәләрдә етник тәмизләмә сијасәти апарылыб, бир милјондан артыг азәрбајҹанлы өз доғма торпағында гачгын-көчкүн вәзијјәтинә салыныб, торпагларымызын 20 фаизи Ермәнистанын ишғалы алтындадыр вә бу әдаләтсизлик узун илләрдир ки, давам едир. Бахмајараг ки, бејнәлхалг тәшкилатлар, хүсусилә Бирләшмиш Милләтләр Тәшкилаты вә онун Тәһлүкәсизлик Шурасы мәсәләнин һәлли илә бағлы 4 гәтнамә гәбул едиб вә о гәтнамәләрдә Ермәнистан гүввәләринин ишғал едилмиш торпаглардан гејд-шәртсиз чыхарылмасы нәзәрдә тутулур, һәлә дә Ермәнистан тәрәфи бу бејнәлхалг һүгуг нормаларына әмәл етмир вә ишғалчы сијасәтини давам етдирир. Ислам Конфрансы Тәшкилаты вә диҝәр бејнәлхалг тәшкилатлар буна бәнзәр гәрарларла чыхыш едиб. Әлбәттә ки, бу, мәсәләнин әдаләтли вә һүгуги мүстәвидә һәлл олунмасы үчүн чох мөһкәм зәминдир. Анҹаг биз реаллыгда һәр һансы ирәлиләјиш ҝөрмүрүк вә Азәрбајҹан узун илләрдир, бу ишғалдан әзијјәт чәкир. Биз бу вәзијјәтлә әлбәттә ки, барышмајаҹағыг. Биз әрази бүтөвлүјүмүзү бәрпа едәҹәјик. Чалышырыг ки, буну данышыглар јолу илә, сүлһ јолу илә едәк. Азәрбајҹанын әрази бүтөвлүјү бүтүн дүнја өлкәләри тәрәфиндән таныныр, мүзакирә мөвзусу дејил вә һеч вахт олмајаҹаг. Һәлл олунмамыш мүнагишәләр диҝәр тәрәфдән игтисади инкишафымыза бөјүк әнҝәлләр јарада билмәди. Анҹаг нәзәрә алсаг ки, бу мүнагишә олмасајды, әлбәттә, һәм өлкәмизин инкишафы, һәм реҝионал әмәкдашлыг мәсәләләри даһа да уғурла вә сүрәтлә һәлл олуна биләрди”.
Диггәт: Хәбәрдән истифадә етдикдә мәнбәјә истинад лазымдыр
