Әһли Бејт -АБНА- хәбәр аҝентлијинин вердији хәбәрә әсасән: «Парамоунт Ҝроуп»ун лисензијасы вә бу ширкәтин мүһәндисләринин иштиракы илә Азәрбајҹан Мүдафиә Сәнајеси Назирлији тәрәфиндән истеһсал едилән бу техникалар «Матадор» вә «Мараудер» типлидир. Бу ҝүнәдәк үмумиликдә 17 техника истеһсал едиләрәк тестдән кечирилиб.
Үмумиликдә «Парамоунт Ҝроуп» вә МСН арасында имзаланмыш мүгавиләјә әсасән, биринҹи мәрһәләдә 50 әдәд (25 әдәд «Матадор» вә 25 әдәд «Мараудер») зиреһли нәглијјат васитәсинин јығылараг сифаришчијә чатдырылмасы планлашдырылыр.
Адычәкилән нәглијјат васитәләри «В» ҝөвдәјә маликдир вә зиреһи чох јүксәк сәвијјәдә партлајышлардан горунманы тәмин едир. Дөјүш машынлары 17 кг тротил ҝүҹүнә давамлыдыр, партлајыш заманы јалныз тәкәрләри сырадан чыхыр. Шәхси һејәт гәлпә тәсирләри вә партлајышын акустикасындан јүксәк сәвијјәдә горунур.
