Әһли Бејт -АБНА- хәбәр аҝентлијинин вердији хәбәрә әсасән: Президент Илһам Әлијев Гурбан бајрамы мүнасибәтилә Азәрбајҹан халгыны тәбрик едиб.
Тбрикдә дејилир: “Сизи дүнја мүсәлманларынын мәнәви бирлик вә һәмрәјлик рәмзи олан мүгәддәс Гурбан бајрамы мүнасибәтилә үрәкдән тәбрик едир, һамыныза ән сәмими арзу вә диләкләрими јетирирәм.
Өз демократизми, һуманизми вә бәшәри идеаллары илә дүнја сивилизасијасынын мөһтәшәм сәһифәсини тәшкил едән Ислам дини халгымызын дүнјаҝөрүшүнүн формалашмасында вә милли-мәдәни инкишафында мүстәсна рол ојнамыш, мүтәрәгги ислами дәјәрләр вә әнәнәләр Азәрбајҹанда һәмишә уҹа тутулуб.
Гурбан бајрамы Исламын бир дин кими тамамланмасы вә мәнәви-әхлаги гуртулуш јолу олараг инсанлара бәхш едилмәси илә әламәтдардыр. Бу мүбарәк ҝүндә мүсәлманлар Уҹа Танрыја јахынлығын, илаһи дәјәрләрә бағлылығын севинҹ вә фәрәһини јашајыр, хејирхаһ амаллар уғрунда һәр ҹүр фәдакарлыға һазыр олдугларыны нүмајиш етдирирләр. Һәр ил өлкәмиздә бөјүк тәнтәнә илә кечирилән Гурбан мәрасимләри ҹәмијјәтимиздә бәрабәрлик вә дөзүмлүлүк овгатыны даһа да ҝүҹләндирир, милли-мәнәви һәмрәјлијин, һуманизм вә гардашлығын, хејирхаһлыг вә мәрһәмәт дујғуларынын парлаг тәҹәссүмүнә чеврилир.
Әзиз баҹы вә гардашларым!
Бу ҝүнләр халгымызын вә дөвләтимизин әмин-аманлығы вә рифаһы наминә етдијиниз дуаларын, кәсдијиниз гурбанларын Танры дәрҝаһында гәбул олунмасы арзусу илә бир даһа һәр биринизә, дүнјанын мүхтәлиф ҝушәләриндә јашајан бүтүн сојдашларымыза сәмими тәбрикләрими јетирирәм. Гој бу нурлу бајрам аиләләринизә хошбәхтлик, сүфрәләринизә хејир-бәрәкәт ҝәтирсин.
Гурбан бајрамыныз мүбарәк олсун!”
Диггәт: Хәбәрдән истифадә етдикдә мәнбәјә истинад лазымдыр
