Әһли Бејт -АБНА- хәбәр аҝентлијинин вердији хәбәрә әсасән: Н. Исмајыловун сөзләринә ҝөрә, китаб Азәрбајҹан һөкумәтинин Әфганыстана гејри-һәрби јардымлары чәрчивәсиндә дәри дилиндә нәшр олунуб вә бу ҝүнләрдә Кабилдә тәгдиматы кечирилиб.
“Бу ҝүн Әфганыстан дүнјада мина тәһлүкәси илә ән чох үзләшмиш өлкәдир. Азәрбајҹанын јардымлары чәрчивәсиндә биринҹи мәрһәләдә Әфганыстан Минатәмизләмә Департаментинин рәһбәри башда олмагла, 11 нәфәрлик һејәт Азәрбајҹанда узунмүддәтли курс кечди. Икинҹи мәрһәләдә АНАМА-нын мүтәхәссисләри Әфганыстана сәфәр едиб тәҹрүбәләрини бөлүшдүләр вә бу китаб нәшр олунду”, - дејә Н. Исмајылов вурғулајыб.
АНАМА директору Әфганыстан һөкумәтинин гејд олунан дәрсликдән әлавә олараг даһа 20 мин әдәд истәдијини, бунунла бағлы Аҝентлијә рәсми мүраҹиәт ҝөндәрилдијини гејд едиб.
АНАМА рәһбәри мүраҹиәтләрин мүвафиг гәрар гәбул едилмәси үчүн Хариҹи Ишләр Назирлијинә тәгдим олунаҹағыны дејиб.
Диггәт: Хәбәрдән истифадә етдикдә мәнбәјә истинад лазымдыр
