Әһли Бејт -АБНА- хәбәр аҝентлијинин вердији хәбәрә әсасән: Ү. Өнсипаһиоғлунун сөзләринә ҝөрә, Азәрбајҹан тәрәфи илә гаршылыглы разылашмаја әсасән, Мүдафиә Сәнајеси Назирлијинин мүтәхәссисләри тәрәфиндән һазырланмыш «Истиглал» снајпер түфәнҝинин ИСТ 12,7 модели МКЕК тәрәфиндән дә истеһсал олунаҹаг.
“Һазырда бунунла бағлы ишләр апарылыр. Ејни заманда технолоҝијаларын мүбадиләси просеси ҝедир”, - дејә Ү. Өнсипаһиоғлу вурғулајыб.
Ширкәт рәһбәри ону да әлавә едиб ки, “Истиглал” снајпер түфәнҝи бир сыра өзәлликләрә маликдир вә бу силаһын Түркијә Силаһлы Гүввәләринин инвентарында јер алмасы мүмкүндүр.
Гејд едәк ки, Азәрбајҹанын истеһсалы олан ИСТ12,7 снајпер түфәнҝи илк дәфә бу илин сентјабр ајында Ҹәнуби Африка Республикасынын (ҸАР) Кејптаун шәһәриндә кечирилән «Африка Аероспаҹе Дефенҹе-2010 (ААД-2010)» мүдафиә сәрҝисиндә нүмајиш олунуб. ИСТ 14,5 снајпер түфәнҝинин тәкмилләшдирилмиш вә нисбәтән кичик модели олан ИСТ12,7 узаг мәсафәдәки һәдәфләрә һәтта зиреһли һәдәфләрә гаршы артырылмыш еффектлилијә маликдир.ИСТ 12,7-нин атәш ачдығы 12,7 мм чаплы ҝүлләләрин 100 метр мәсафәдән 20 мм галынлығындакы зиреһи дешмә еһтималы 90% тәшкил едир.
Диггәт: Хәбәрдән истифадә етдикдә мәнбәјә истинад лазымдыр
