Әһли Бејт -АБНА- хәбәр аҝентлијинин вердији хәбәрә әсасән: Едилән дәјишикликләрә әсасән, әразисиндә Азәрбајҹанын дипломатик нүмајәндәликләри, консуллуглары олмајан вә Азәрбајҹанла бирбаша һава әлагәси олан хариҹи өлкәләрин вәтәндашлары аеропортда виза ала биләрләр.
Азәрбајҹан Республикасы президентинин “Азәрбајҹан Республикасына ҝәлән
әҹнәбиләрә вә вәтәндашлығы олмајан шәхсләрә визаларын рәсмиләшдирилмәси илә бағлы бәзи мәсәләләр һаггында” 2010-ҹу ил 13 сентјабр тарихли 326 нөмрәли Фәрманына әсасән, Азәрбајҹан Республикасына ҝәлән әҹнәбиләр вә вәтәндашлығы олмајан шәхсләр јалныз ашағыдакы һалларда виза алынмасы үчүн әризә илә бирбаша Азәрбајҹан Республикасынын Хариҹи Ишләр Назирлијинә мүраҹиәт едә биләрләр:
1. Азәрбајҹан Республикасынын дөвләтләрарасы вә ја һөкумәтләрарасы мүгавиләләриндә нәзәрдә тутулмуш һалларда;
2. Азәрбајҹан Республикасы Президентинин, Азәрбајҹан Республикасы баш назиринин, Азәрбајҹан Республикасы Милли Мәҹлиси Сәдринин, Азәрбајҹан Республикасы Президентинин Администрасијасы рәһбәринин, Нахчыван Мухтар Республикасы Али Мәҹлиси сәдринин рәсми дәвәти илә Азәрбајҹан Республикасына ҝәлдикдә;
3. Азәрбајҹан Республикасы Конститусија Мәһкәмәси сәдринин, Азәрбајҹан Республикасы Али Мәһкәмәси сәдринин, Азәрбајҹан Республикасы Баш прокурорунун, Азәрбајҹан Республикасы Инсан һүгуглары үзрә мүвәккилинин (омбудсманын), Азәрбајҹан Республикасы Мәркәзи Сечки Комиссијасы сәдринин, мәркәзи иҹра һакимијјәти органы рәһбәринин, Азәрбајҹан Республикасы Мәркәзи Банкы сәдринин, Азәрбајҹан Республикасы Президентинин Ишләр Идарәси мүдиринин, Азәрбајҹан Республикасы Президентинин Хүсуси Тибб Хидмәти рәисинин, Азәрбајҹан Республикасы Милли Олимпија Комитәси рәһбәрлијинин, Гафгаз Мүсәлманлары Идарәси сәдринин, Азәрбајҹан Республикасынын тәрәфдар чыхдығы бејнәлхалг мүгавиләләрә әсасән Азәрбајҹан Республикасында фәалијјәт ҝөстәрән хариҹи ширкәт рәһбәрләринин Азәрбајҹан Республикасынын Дөвләт Миграсија Хидмәти илә разылашдырылмыш рәсми дәвәти әсасында Азәрбајҹан Республикасына ҝәлдикдә;
4. Хариҹи өлкәләрин Азәрбајҹан Республикасында фәалијјәт ҝөстәрән
дипломатик нүмајәндәлик вә консуллугларынын, һабелә бејнәлхалг тәшкилатларын нүмајәндәликләринин әмәкдашлары, инзибати-техники хидмәт һејәтинә дахил олан шәхсләр вә онларын аилә үзвләри, һәмчинин әҹнәбиләр хүсуси дипломатик миссија илә Азәрбајҹан Республикасына ҝәлдикдә;
5. Фөвгәладә һалларын нәтиҹәләринин арадан галдырылмасында иштирак етмәк мәгсәдилә Азәрбајҹан Республикасы Фөвгәладә Һаллар Назирлијинин рәсми тәгдиматы әсасында Азәрбајҹан Республикасына ҝәлдикдә;
6. Азәрбајҹан Республикасында јашајан аилә үзвүнүн вәфаты илә әлагәдар Азәрбајҹан Республикасына ҝәлдикдә (аилә үзвүнүн вәфатыны тәсдиг едән сәнәд әсасында);
7. Әразисиндә Азәрбајҹан Республикасынын дипломатик нүмајәндәликләри, консуллуглары аккредитә олмајан вә Азәрбајҹан Республикасы илә бирбаша һава әлагәси олан хариҹи өлкәләрин вәтәндашлары Азәрбајҹан Республикасына ҝәлдикдә.
Диггәт: Хәбәрдән истифадә етдикдә мәнбәјә истинад лазымдыр
