Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Ермәниләрин атәшкәси позмасы нәтиҹәсиндә Азәрбајҹан Ордусунун даһа бир әсҝәри јараланыб. Бу барәдә Мүдафиә Назирлијинин мәтбуат хидмәтинин рәис мүавини Тејмур Абдуллајев мәлумат вериб.
Онун сөзләринә ҝөрә, һадисә ҹәбһәнин Ҝоранбој рајону истигамәтиндә баш вериб. Ермәнистан Силаһлы Гүввәләринин атәшкәс режимини позмасы нәтиҹәсиндә Азәрбајҹан Ордусунун әсҝәри, 1991-ҹи ил тәвәллүдлү Рәсул Һаҹызадә ајағындан јараланыб. Јаралы һоспитала јерләшдирилиб, вәзијјәти кафидир.
Гејд едәк ки, Р. Һаҹызадә 2009-ҹу илин октјабрында Ағсу рајон Һәрби Комиссарлығындан һәгиги һәрби хидмәтә чағырылыб.
Хатырладаг ки, дүнән ермәниләрин атәшкәси позмасы нәтиҹәсиндә Азәрбајҹан Ордусунун әсҝәри шәһид олуб. О, Салјан рајон Һәрби Комиссарлығындан һәрби хидмәтә чағырылмыш 1991-ҹи ил тәвәллүдлү Мустафајев Телман Елман оғлудур. Онун Газах рајонунун Н сајлы һәрби һиссәсиндә хидмәт кечәркән дүшмән тәрәфиндән ачылан атәш нәтиҹәсиндә һәлак олдуғу билдирилиб.
Диггәт: Хәбәрдән истифадә етдикдә мәнбәјә истинад лазымдыр
