Әһли Бејт -АБНА- хәбәр аҝентлијинин вердији хәбәрә әсасән: “Армениа тодај” хәбәр порталынын вердији мәлумата ҝөрә, президент Серж Саркисјанын лидерлик етдији Республика Партијасынын (РП) парламент фраксијасынын рәһбәри Галуст Саакјан бунунла бағлы һазырланмыш бәјанаты охујуб.
Бәјанатда билдирилир ки, коалисија партијалары – РП, “Чичәкләнән Ермәнистан” вә “Оринатс Јеркир” Дағлыг Гарабағын һәм бејнәлхалг сәвијјәдә, һәм дә Ермәнистан тәрәфиндән танынмасынын алтернативинин олмадығына инанырлар. Лакин коалисија үзвләри һесаб едир ки, бу аддым һазыркы мәрһәләдә Ермәнистанын марагларына ујғун дејил, чүнки данышыгларын мәнтигинә вә өлкәнин АТӘТ-ин Минск Групу чәрчивәсиндә конструктив мөвгејинә зиддир. Сәнәддә дејилир ки, мүвафиг заман јетишдикдә коалисија өзү бу барәдә ганун лајиһәси һазырлајаҹаг вә ја диҝәр сијаси гүввәләрин аналожи ганунвериҹилик тәшәббүсүнү дәстәкләјәҹәк.
Ганун лајиһәсинин мүәллифи олан “Ирс” Партијасынын лидери Раффи Ованнисјан исә парламентин сәдри вә коалисија нүмајәндәләри илә ҝөрүшдә сәсвермәнин декабрын 9-на гәдәр тәхирә салынмасына разылашдыгларыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
