Әһли Бејт -АБНА- хәбәр аҝентлији хәбәр верир: Армениа Тодај-а истинадән мәлумат верир. Језидиләр президент Серж Саркисјана шикајәт мәктубу ҝәтирибләр. Онлар Ермәнистанда мүсәлман күрдләрин олмадығы һалда тәһсил назирлијинин күрд дилиндә дәрслик чап етмәсинә етиразыны билдирибләр. Језидиләрин сөзләринә ҝөрә, мүсәлман күрдләрин диалектиндә дәрҹ олунмуш китаблар онларын тәһсилинә мане олур вә милли һагларыны позур.
Језидләр Ермәнистан парламентиндә өз нүмајәндәләринин олмасыны да тәләб едибләр. Онлар билдирибләр ки, рәсми мәлуматлара ҝөрә Ермәнистанда језиди күрдләрин сајы тәхминән 60 миндир, лакин реал рәгәм рәсми рәгәмдән даһа јүксәкдир: «Бизә дејирләр ки, марагларымыз мүдафиә олунур, лакин бу белә дејил. Бизим өз депутатымыз олсајды, о проблемләримизи галдырарды».
Аксија иштиракчылары билдирибләр ки, Серж Саркисјанын онларын мәктубуна ҹавабыны ҝөзләјәҹәкләр. Әҝәр тәләбләринә бахылмаса језиди күрдләр иримигјаслы етираз аксијаларына башламаға сөз верибләр.
Диггәт: Хәбәрдән истифадә етдикдә мәнбәјә истинад лазымдыр.
