21. Елмин нишанәси инсанын өзүнү бир кәнара гојмасыдыр.
22. Нәфс һавасы ејнән дәјишкән һава кимидир.
23. Инсан ојунбазлығы кәнара гојса, Аллаһын өвлијасы олар.
24. Ихлас үчүн Аллаһа дуа етмәк лазымдыр.
25. Ағыллы инсан Аллаһдан гејрисинә етимад ҝөстәрмир.
26. Инсанларла мәһәббәтлә давранын - ән бөјүк тәсир мәһәббәтдәдир.
27. Инсан һәр нәфәси илә Аллаһа јахынлаша биләр...
28. Еј ҝәнҹ! Мән сәни өзүмә доғру чағырмырам. Әҝәр ҝөјдән мәрми јағса, сығынаҹаг ахтармазсан? Бу дүнја да елә о ҹүрдүр. Дүнјанын алдадыҹы заһириндән Аллаһа сығын...
29. Пис јуху ҝөрәндә сәдәгә верин.
30. Нәфсә ҝүвәнмәк јанлыш бир фикирдир. Аллаһа ҝүвәнмәк лазымдыр...
31. Намазы әввәл вахтында гылын. Ҹидди бир проблем јохдурса, һалсыз да олса намазы јубатмајын.
32. Бүтүн фејзләр Имам Һүсејнин (ә) әли илә газанылар... Давамы да Әбүлфәзлләдир.
33. Гуран Аллаһын мәктубудур, “Сәһифеји-сәҹҹадијјә” исә о мәктуба ҹавабдыр. “Нәһҹүл-бәлағә” бу мәктубун шәрһидир.
34. Аллаһ һизбиндән оланлар әјләҹсиз олмамалыдыр. Көнүллү (бәсиҹи), руһани, мөмин әјләҹсиз ола билмәз. Тәгва, јәни әјләҹ!
35. Ајәтуллаһ-үзма Беһҹәт Аллаһын јер үзүндәки мәләји иди.
36. Пејғәмбәр (с) ҝәлди ки, бизи Ҹәбраилин галха билмәдији јүксәклијә галдырсын.
37. Аллаһдан бир шеј истәјәндә тәкҹә буну десән бәс едәр: “Әллаһуммә сәлли әла Муһәммәдин вә али Муһммәд вә әҹҹил фәрәҹәһум!”
38. Аллаһ бујурур ки, мәним үчүн ваҹиб әмәлләрдән севимли шеј јохдур. Сејр-сүлук елә һәмин ваҹиб әмрләри јеринә јетирмәк, һарамдан чәкинмәкдир.
39. Рија илә гурулмуш дини мәҹлисләри бошламаг лазымдыр.
40. Инсанын әјләнҹәјә дә еһтијаҹы вар. Инсан бирјөнлү дејил. Тәкҹә ибадәт вә ја мүталиә онун еһтијаҹыны арадан галдырмаз...
