Әһли Бејт -АБНА– хәбәр аҝентлији хәбәр верир: Пакистан полиси Шиәмәншәли алим вә һәкимләрин террор едилмәсиндә мүттәһим олунан ики шәхси јахаламышдыр. Онлардан биринин Пакистан мәһкәмәсиндә ҹинајәтлә бағлы сабигәси дә вардыр.
Пакистан полис идарәсинин рәиси Фәјјаз Легари ишлә бағлы деди: “Тутулан ики јараглы шәхс “Урәнҝи” шәһәриндә полис тәрәфиндән јахаланмышдыр. Онлардан бири исә Шиәмәншәли алим вә һәкимләри террор етмәклә јанашы Әһмәди мүсәлманларынин Мәсҹидинә јүрүш едиб орадакы мүсәлманлары Мәсҹидлә бирҝә партлатмаг гәсди олан террорист бригадасынын башчысыдыр.”
Легари сөзүнүн давамында деди: “Тутуланларын адлары Нәсим Һејдәр вә Асәф Рәшид, ләгәбләри исә тәртиблә “Фирон” вә “Дунба” ләгәбиндән ибарәтдир. Мүттәһимләрин террорчу бригадасы олан “Ҹәнҝавәр орду” јараглары илә рабитәдә олмалары артыг полисә сабит олмушдур.”
Полис мүттәһимләрин бир чох ҝүнаһсыз шиәләрин гәтлиндә бир баша әлләринин олмасыны вә о ҹүмләдән Мөвлна Ғулам Муһәммәд, Муһәммәд Һусејн, Һәким Нәҹмул Һәсән, Сејјид Мәһтаб Һусејн вә Шираз адлы бир шиәнин гәтлиндә бөјүк рол ојнадыгларыны билдирди.
Диггәт: Хәбәрдән истифадә едтикдә мәнбәјә истинад лазымдыр.
