Әһл Бејт-АБНА-хәбәр аҝентлијинә верилән хәбәрә әсасән , Товуз Рајон Һәрби комисарлығындан һәгиги һәрби хидмәтә чағрылан Мусајев Рөјал Етибар оғлу Һејдәр Әлијев адына Али Һәрби Мәктәбдә орада хидмәт едән бир груп әсҝәр тәрәфиндән вәһшиҹәсинә дөјүлүб. Бу барәдә мәлуматы гәзетимизә һәрби мәнбәләрдән дахил олуб. Аығыр зәрбәләр алан әсҝәри һәрби госпитала чатдырыблар. Алдығы зәрбәләрдән дахили органларында ҹидди хәсарәтләр ашкарланыб. Әмәлијјата алынан ҝәнҹ әсҝәрин далағы чыхарылыб. Мәнбә билдириб ки, әсҝәр бурада хидмәтә бу илин апрел ајынын 19-да башлајыб, мүһафизә бөлүјүндә гуллуг едиб.
Дүнән Мүдафиә Назирлијинин пајтахтдакы һоспиталында әсҝәрлә ҝөрүшмәјә мүвәффәг олдуг. Әсҝәр бизә јолдашлары тәрәфиндән дөјүлдүјүнү тәсдигләди. О, билдирди ки, һәрби һиссәнин командири капитан Руфан Гулијев
ону баш верәнләри олдуғу кими ачыгламамасы үчүн тәһдид едиб: «Мәни чох горхутду. Деди мүстәнтиг ҝәләндә де ки, јыхылмысан».
Али Һәрби Мәктәбин рәһбәрлији баш верәнләрдән хәбәрдар олса да, һадисәни ҹидди арашдырмыр.
Олајдан 2 ҝүн сонра валидејинләри илә ҝөрүшүндә Рөјал Мусајев һәр шеји олдуғу кими онлара данышыб. Валидејинләрин тәләби илә Һәрби Прокурорлуғун мүстәнтиги Рөјал Мусајевдән јенидән ифадә алыр вә о, ифадәсиндә баш верәнләри олдуғу кими она чатдырыр.
Анҹаг валидејинлдәр дејир ки, јекун рәјдә Рөјалын јыхылылараг хәсарәт алдығы ҝөситәрилиб. Әсҝәрин өзү вә валидејинләри буну гәбул етмәјәҹәкләрини билдирирләр.
Һадисә илә бағлы Али Һәрби Мәктәбин вә Һәрби Прокурорлуғун мөвгејини нөвбәти сајымызда дәрҹ етмәјә чалышаҹағыг.
Пәрвиз
