Иҹарә һаггыны өдәјә билмәјән бир шәхс мәрһум Ајәтуллаһын ҝөрүшүнә ҝәлиб өз чәтинлијиндән данышыр. Ајәтуллаһ она “иншааллаһ, бир чарә фикирләшәрик” – бујурур. Амма сәһәри ҝүн онун өғлу шәһид олур. Ајәтуллаһдан көмәк ҝөзләјән шәхс һадисә илә әлагәдар үмидини итирир. Амма Ајәтуллаһ өз оғлунун дәфн мәрасиминдә һәмин шәхсә јахынлашыб, она еһтијаҹ дујдуғу мәбләғи верир. *** Ајәтуллаһ Исфәһанинин һәјат тәрзи чох садә олуб. Елми һөвзәнин мадди проблемләр јашадығы дөврдә Исфәһани елә бир сыхынтыја дүшүр ки, иҹарә һаггыны верә билмәдијиндән аилә-өвлады илә бирликдә 15 ҝүн саһибсиз бир харабалыгда јашајыр. *** Ајәтуллаһ Мирза Мәһәмммәдтәги Ширази ону иҹарә чәтинлијиндән гуртармаг үчүн 500 лирә гызыл пул ҝөндәрир ки, өзүнә бир мәнзил алсын. Ајәтуллаһ Исфәһани исә һәмин пулу мадди проблемләр мәнҝәнәсиндә сыхылан тәләбәләрә пајлајыб, өз ағыр кирајәнишин һәјатыны давам етдирир. *** Ајәтуллаһ Сејид Мәһәммәдбагир Ширази белә нәгл едир: 15 јашым варды. Атам вә онун тәләбәләри илә бирликдә Куфә чајы саһилинә ҝетмишдик. Ајәтуллаһ Исфәһани дә бизимлә иди. Онун јанында ағыр бир кисә варды. Чајын саһилиндә кисәни ачды. Онун ичиндәки кағызлары паралајараг суја атмаға башлады. Онун бу иши һамыја мараглы ҝәлди. Сәбәбини сорушдуг. Белә бујурду: “Бу мәктублар мүхалифләримин мәнә јаздығы мәктублардыр. Онларда тәһгирдән башга бир шеј јохдур. Истәмирәм нә вахтса, кимсә онлары охујуб мүхалифләрими гынасын. Мәктублары мәһв едирәм ки, јаздыглары өз арамызда галсын!”/Тебјан/
