АБНА24 Хәбәр Верир, Иран Хариҹи Ишләр Назирлијинин мәтбуат катиби Сәид Хәтибзадә АБШ дөвләт катибинин базар ертәси ҝүнүндәки твитләринә реаксијада, онлары рүсвајчы назирлик дөврүнүн сона чатмасы әрәфәсиндә истерик гәзәбдән вә максимум тәзјиг сијасәтинин мәғлубијәтә уғрамасындан гајнагландығыны бәјан едиб. О, ачыгламасында билдириб ки, Иран Ислам Республикасы илләрдир АБШ-ын дөвләт терроруна мәруз галыр. "Бу ҝүн АБШ бизи "Әл-Гаидә" террорчу груплашмасына јардым етмәкдә иттиһам едир. Ону билдирим ки, бизим "Әл-Гаидә" вә ИШИД-ә гаршы мүбаризәмиз һәмишә ҝөз өнүндә олуб. Террорчулары дәстәкләјәнләр өз етдикләрини бизим үзәримизә атмаға чалышырлар", - дејә Сәид Хәтибзадә диггәтә чатдырыб. О гејд едиб ки, АБШ-ын террорчу груплашмалара јардым етмәси дәфәләрлә сүбут олунуб. Иранын ХИН рәһбәри Мәһәммәд Ҹавад Зәриф дә Помпеону сәсләндирдији иттиһамлара мүнасибәт билдириб вә онлары ујдурма вә Помпеону мүһарибә тәшәббүскарлы адландырыб". Зәриф бу барәдә өз Тwиттер сәһифәсиндә јазыб: "11 сентјабр һадисәсиндәки террорчулар Помпеонун Гәрби Асија реҝионунда ән чох севдији өлкәләрдән олдуглары үчүн һеч ким алданмајаҹаг" Гејд едәк ки, Помпео, Теһран вахты илә чәршәнбә ахшамы Ираны тәнгид едән бир сыра твитиндә Иранда АБШ-ла мүнасибәтләри нормаллашдырмаг истәјән мүлајим бир адамы тапмағын чох чәтин олдуғуну дејиб, һәмчинин Ираны Әл-Гаидә илә әмәкдашлыгда иттиһам едиб".
342/
