АБНА24 Хәбәр Верир, Кремлин мәтбуат хидмәти билдириб ки, Сабаһ Москвада Русија Президенти Владимир Путин, Азәрбајҹан Президенти Илһам Әлијев вә Ермәнистан Баш назири Никол Пашинјан арасында данышыглар апарылаҹаг. Ҝөрүш Русија Президентинин тәшәббүсү илә кечирилир. Ҝөрүшдә 2020-ҹи ил нојабрын 10-да имзаланмыш үчтәрәфли бәјанатын иҹрасы вә реҝионда проблемләрин һәлли истигамәтиндә ҝәләҹәкдә атылаҹаг аддымлар мүзакирә олунаҹаг. Ҝөрүшдә һәрби әмәлијјатлар нәтиҹәсиндә зәрәр чәкмиш рајонларын әһалисинә јардым, блокаданын галдырылмасы вә игтисади-тиҹари вә нәглијјат әлагәләринин инкишафы да диггәт мәркәзиндә олаҹаг. Ејни заманда В. Путинин Азәрбајҹан Президенти вә Ермәнистан Баш назири илә тәкбәтәк ҝөрүшләри нәзәрдә тутулуб.
342/
